اوگرا نے ایل این جی کی قیمت میں اضافہ کر دیا

اسلام آباد: آئل اینڈ گیس ریگولیٹری اتھارٹی (اوگرا) نے مائع قدرتی گیس (ایل این جی) کی قیمت میں اضافہ کر دیا جس کا نوٹیفکیشن جاری کر دیا گیا ہے۔

تفصیلات کے مطابق اوگرا کے نوٹیفکیشن میں ایل این جی کی قیمت میں 2.58 فیصد اضافہ کیا گیا ہے۔

سوئی ناردرن کے لیے ایل این جی کی قیمت میں 32 سینٹس فی ایم ایم بی ٹی یو اضافہ کیا گیا ہے جس کے بعد سوئی ناردرن کے لیے ایل این جی کی نئی قیمت 12.81 ڈالر فی ایم ایم بی ٹی یو ہے۔

اسی طرح سوئی سدرن کے لیے ناردرن نیچرل گیس کی قیمت میں 9 سینٹس فی ایم ایم بی ٹی یو اضافہ کیا گیا ہے جس کے بعد سوئی سدرن کے لیے ایل این جی کی نئی قیمت 13.05 ڈالر فی ایم ایم بی ٹی یو مقرر کی گئی ہے۔