درگاہ شاہ نورانی جانے والا زائرین سے بھرا ٹرک کھائی میں جاگرا

حب میں درگاہ شاہ نورانی جانے والا زائرین سے بھرا ٹرک کھائی میں جاگرا جس کے نتیجے میں 17افراد جاں بحق جبکہ 40 سے زائد افراد زخمی ہو گئے۔

پولیس کے مطابق ٹھٹہ سے درگاہ شاہ نورانی جانے والے زائرین سے بھرا ٹرک عیاں پیر کےقریب کھائی میں گرگیا۔

ٹرک کھائی میں گرنے کے نتیجے میں 17افراد جاں بحق اور 20 سے زائد زخمی ہوگئے۔ پولیس نے بتایاکہ زائرین کا تعلق ٹھٹہ سے ہے اور ٹرک میں 30 سے زائد افراد سوار تھے۔

شاہ نوارانی حادثے میں 17 افراد کی لاشیں تدفین کےلئے قاسم جوکھیو گوٹھ پنچا دی گئی ،حادثے میں جاں بحق 15 افراد کی شناخت ہو گئی جبکہ 2 نامعلوم افراد کی تدفین امانتاََ کی جائے گی۔

واقعے کے بعد وزیراعلیٰ بلوچستان کی ہدایت پر 12 شدید زخمیوں کو سول اسپتال کراچی منتقل کردیا گیا جبکہ دیگر زخمی حب کے سول اسپتال میں زیر علاج ہیں۔