وزیر خزانہ اورنگ زیب کی امریکی دارالحکومت واشنگٹن ڈی سی آمد، اہم ملاقاتیں متوقع

وزیر خزانہ محمد اورنگ زیب کی امریکہ کے دارالحکومت واشنگٹن ڈی سی آمد ، وزیر خزانہ آئی ایم ایف اور ورلڈ بنک کی سالانہ سپرنگ میٹنگز میں شرکت کریں گے ۔ائیرپورٹ پہنچنے پر سفیر پاکستان مسعود خان اور سفارتخانہ پاکستان کے افسران نے وزیرِ خزانہ کا استقبال کیا۔ 

وزیر خزانہ ائی ایم ایف اور ورلڈ بنک حکام سے ملاقات کریں گے.  بین الاقوامی میڈیا اور تھنک ٹینک نمائندگان سے ملاقاتیں بھی وزیرِ خزانہ کے شیڈول میں شامل ہیں۔

امریکہ روانگی سے قبل گذشتہ ہفتے اسلام آباد میں ذرائع ابلاغ کے نمائندوں سے گفتگو میں وزیر خزانہ کا کہنا تھا کہ ’آئی ایم ایف پروگرام کے خدوخال پر گفتگو شروع کریں گے اور وہ (آئی ایم ایف کا وفد) مئی میں واپس آئیں گے اور پھر ہم ایکسنڈڈ فنڈ پروگرام کو لے کر آگے چلیں گے۔

یاد رہے کہ وزیر خزانہ محمد اورنگزیب کے ہمراہ گورنر سٹیٹ بنک جمیل احمد بھی ہیں۔