جڑواں شہروں میں شدید بارش، ہائی الرٹ جاری

واٹر اینڈ سینی ٹیشن ایجنسی (واسا) نے راولپنڈی اور اسلام آباد میں شدید بارشوں کے بعد ہائی الرٹ جاری کر دیا ہے۔

راولپنڈی اور اسلام آباد میں نشیبی علاقوں میں بھاری مشینری اور واسا اہلکار تعینات کر دیے گئے۔

ادھر لوئر دیر کے علاقے تالاش شمسی خان میں پک اپ وین برساتی نالے میں گر گئی، 10 سالہ بچے کو زندہ نکال لیا گیا، جب کہ گاڑی کا ڈرائیور اور بچے کا والد لاپتہ ہیں۔

لقمان بانڈہ میں مکان کی چھت گرنے سے دو افراد جاں بحق جبکہ چار ملبے تلے دب گئے۔

محکمہ موسمیات کے مطابق کراچی میں آج بارش کا کوئی امکان نہیں، مطلع ابر آلود رہے گا۔

کراچی کے علاقے گارڈن سمیت کئی سڑکوں سے گزشتہ روز کی بارش کا پانی نہیں نکل سکا۔