نائیجریا میں ٹوئٹر پر پابندی عائد کردی گئی

تفصیلات کے مطابق سماجی رابطے کی ویب سائٹ ٹوئٹر کی جانب سے نائیجیرین صدرمحمدو بوہاری کا ٹوئٹ ڈیلیٹ کرنے پر نائیجریا نے ٹوئٹر سروس معطل کرنے کا اعلان کردیا ۔نائیجریا کے وزیر اطلاعات لائ محمد  کاکہنا ہے  کہ حکومت نے "ایسی سرگرمیوں کے لئے پلیٹ فارم کا مستقل استعمال معطل کیا ہے کو کہ جس سےملکی تشخص اور وقار کو نقصان پہنچے ۔انہوں نے ٹوئٹر معطلی پر  مزید تفصیلات  فراہم کرنے سے انکار کردیا ۔

دلچسپ بات یہ ہے کہ وزیر اطلاعات نے ٹوئٹر معطلی کی خبر کا اعلان  ٹوئٹر پر ہی  کیا  ہے ۔

خیال رہے کہ 2 روز قبل نائیجیریا کے صدر کی  ٹوئٹ کو قواعد و ضوابط کی  خلاف ورزی  قرار  دیتے ہوئے ڈیلیٹ کر دیا گیا تھا۔نائیجیرین صدر محمدو بوہاری نے ٹوئٹ میں مخالفین کے لیے دھمکی آمیز زبان استعمال کی تھی۔  محمدو بوہاری کا ٹوئٹ ایک ایسی صورت حال میں سامنے آیا تھا جب ملک میں علیحدگی پسند کے جذبات اور تشدد کا رجحان  میں اضافہ ہوا ہے اور صدر نے ٹوئٹ میں ریاست کے حامیوں کو سیکیورٹی حکام اور حکومت پر بڑھتے حملوں پر سزا دینے کی دھمکی دی تھی۔