پاکستان کا پہلا سیٹلائٹ مشن آج چاند کے مدار میں پہنچے گا

پاکستان کا پہلا سیٹلائٹ مشن ’آئی کیوب قمر‘ آج چاند کے مدار میں پہنچے گا۔

پاکستان کا پہلا قمری مشن کامیابی کی راہ پر گامزن ہے، آئی کیوب قمر کو آج چاند کے گرد مقررہ مدار میں چھوڑا جائے گا۔

آئی کیوب قمر چانگ سہ پہر ساڑھے 3 بجے سے 4 بجے کے درمیان چاند کے مدار میں داخل ہو جائے گا۔

ذرائع کے مطابق ماہر فلکیات ڈاکٹر قمر الاسلام  آئی کیو قمر کو چاند پر بھیجنے کے وقت سے ہی چین میں موجود ہیں ۔ اب ڈاکٹر خرم خورشید بھی گزشتہ رات چین چلے گئے۔

آئی کیوب قمر کی ڈپلائمنٹ سے پہلے ایس او پیز کے مطابق تمام ذیلی سسٹمز کا جائزہ لیا جائے گا، سیٹلائٹ امیجنگ سسٹم کے آپریشنل ہونے سے پہلے تمام ذیلی نظاموں کی تصدیق میں تقریباً ایک ہفتہ لگ سکتا ہے۔

آئی کیوب قمر سے چاند کی پہلی تصویر 15 یا 16 مئی تک موصول ہو نے کا امکان ہے، چانگ ای 6 مشن چاند کی کشش ثقل کے زیر اثر قمری مدار میں داخل ہو چکا ہے۔