حیدر آباد میں گیس سلنڈر دھماکہ، جاں بحق ہونیوالوں کی تعداد 10 ہوگئی

حیدرآباد میں سلنڈر پھٹنے کے واقعہ کا ایک اور زخمی چل بسا، واقعے میں جاں بحق افراد کی تعداد 10 ہوگئی۔جاں بحق ہونیوالا زخمی کراچی کے سول برنس وارڈ میں زیر علاج تھا۔

ہسپتال انتظامیہ کے مطابق ہسپتال میں 13 زخمی زیرعلاج ہیں جن میں سے 7 کی حالت تشویشناک ہے۔

یاد رہےکہ 2 روز قبل حیدرآباد کے علاقے پریٹ آباد میں گیس سلنڈر کی دکان میں دھماکا ہوا تھا جس کے بعد آگ بھڑک اٹھی تھی۔

آتشزدگی کے باعث دکان میں موجود سلنڈر دھماکوں سے پھٹ گئے تھے، دھماکے اور آتشزدگی سےآس پاس کی عمارتوں کو بھی نقصان پہنچا تھا۔