رات میں نیند نہ آنے والے افراد کیلئے بری خبر

اس تحقیق میں 5 لاکھ درمیانی عمر کے افراد کو شامل کیا گیا تھا ،اس تحقیق میں پتہ چلا کہ  نیند کے مسائل سے دوچار افراد بالخصوص ذیابیطس کے مریضوں میں اس کے نتیجے میں کسی بھی وجہ سے موت کا خطرہ 87 فیصد تک بڑھ جاتا ہے۔

ماہرین کے مطابق  یہ ہم پہلے سے ہی جانتے ہیں کہ نیند کی کمی اور خراب صحت کے درمیان گہرا تعلق موجود ہے مگر نئے نتائج چونکا دینے والے ہیں۔  ڈاکٹروں کے نیند کے مسائل کو بہت سنجیدہ لینا چاہیئے تاکہ ان میں خطرے کو کم کیا جاسکے۔

ماہرین کا کہنا تھا کہ  ذیابیطس  کی وجہ سے  مختلف امراض سے موت کا خطرہ 67 فیصد تک بڑھ جاتا ہے لیکن اگر  ایسے مریضوں کو بے خوابی یا نیند کے دیگر مسائل کا سامنا ہو ان کے لیے یہ خطرہ 87 فیصد تک بڑھ جاتا ہے۔

قبل ازیں  2019 میں کیلی فورنیا یونیورسٹی کی ایک تحقیق میں بتایا گیا تھا کہ صرف  ایک رات کو کم سونے سے بھی ذہنی بے چینی، خوف یا اعصابی خلل کا خطرہ 30 فیصد تک بڑھ جاتا ہے۔

طبی جریدے جرنل نیچر ہیومن بی ہیوئیر میں شائع  ہونے والی ایک تحقیق میں ماہرین کا کہنا تھا کہ   گہری نیند کا ایک نیا فائدہ دریافت ہوا ہے،  جو رات بھر میں دماغی کنکشن دوبارہ منظم کر کے ذہنی تشویش اور بے چینی کو کم کردیتا ہے۔

ماہرین نے  بتایا کہ گہری نیند ذہنی بے چینی کی روک تھام میں مددگار ہے، جب تک ہم ہر رات ایسا کرتے رہیں۔ آسان الفاظ میں نیند دوا کے بغیر ہی ذہنی بے چینی، خوف و اعصابی خلل کے امراض کا علاج ہے، ان امراض کا شکار دنیا بھر میں کروڑوں افراد ہیں۔