جی این این سوشل

تفریح

در فشاں سلیم کی لندن میں دلکش تصاویر وائرل

سوشل میڈیا پلیٹ فارم انسٹاگرام پر شیئر کی گئی تصاویر میں درِفشاں سلیم کو  کریم کلر  کی شرٹ کے ساتھ سفید پینٹ میں دیکھا جا سکتا ہے

پر شائع ہوا

کی طرف سے

در فشاں سلیم کی لندن میں دلکش تصاویر وائرل
جی این این میڈیا: نمائندہ تصویر

 پاکستانی معروف اداکارہ درِفشاں سلیم آج کل لندن کی سیر کر رہی ہیں،انکی لندن کی سٹرکوں پر لی گئی دلکش تصاویر سوشل میڈیا پر وائرل ہو رہی ہیں۔
درِفشاں سلیم جو پاکستانی شوبز انڈسٹری میں اپنی حقیقت پسندانہ اداکاری اور دلکش حسن کے باعث بہت مشہور ہیں، ان دنوں لندن کی سیر  پر ہیں،اداکارہ درِفشاں سلیم کی 'عشق مرشد' میں اداکاری اور بلال عباس کے ساتھ جوڑی کو بھی بے حد لوگوں نےپسند کیاہے۔

سوشل میڈیا پلیٹ فارم انسٹاگرام پر شیئر کی گئی تصاویر میں درِفشاں سلیم کو  کریم کلر  کی شرٹ کے ساتھ سفید پینٹ میں دیکھا جا سکتا ہے جبکہ انہوں نے لندن کی دھوپ سے بچنے کے لیے سیاہ گوگلز بھی پہنے ہوئے ہیں۔ 
اداکارہ نے اپنی سوشل میڈیا  پوسٹ کمیں لکھا ہے کہ  وہ  دوست جو  آپ کے ہر موڈ میں آپ کی تصاویر کھینچتے ہیں وہ گرین فلیگ ہوتے ہیں۔
سوشل میڈیا  پر  اداکارہ  درِفشاں سلیم کی لندن سے لی  گئی تصاویر اور ویڈیوز کو  بہت پسند کیا  جا  رہا ہے  اور  مداح  انکی خوبصورتی اور انداز کی تعریف کر رہے ہیں۔

تجارت

 سونے کی قیمتوں میں عالمی اور مقامی سطح پر کمی

24 قیراط سونے کی قیمت فی تولہ 500 روپے کی کمی سے 250,500 روپے ہو گئی

پر شائع ہوا

ویب ڈیسک

کی طرف سے

 سونے کی قیمتوں میں عالمی اور مقامی سطح پر کمی

کراچی: سونے کی قیمتوں میں اتار چڑھائو کا سلسلہ جاری ہے، جس میں آج بین الاقوامی اور مقامی دونوں مارکیٹوں میں کمی دیکھی گئی ہے۔ 24 قیراط سونے کی قیمت فی تولہ 500 روپے کی کمی سے 250,500 روپے ہو گئی۔

بین الاقوامی مارکیٹ میں سونے کی قیمت فی اونس 11 ڈالر کی کمی سے 2,391 ڈالر ہو گئی ہے۔

ماہرین کے مطابق معاشی سست روی کا بدترین دور ختم ہو سکتا ہے، جس سے محفوظ اثاثوں جیسے سونے کی طلب میں کمی واقع ہوئی ہے۔

بین الاقوامی مارکیٹ کے رجحانات کا اثر پاکستان کی مقامی سونے کی مارکیٹ پر بھی پڑا۔ 24 قیراط سونے کی قیمت فی تولہ 500 روپے کی کمی سے 250,500 روپے ہو گئی، جبکہ 10 گرام سونے کی قیمت 429 روپے کی کمی سے 214,763 روپے ہو گئی۔

سونے کی مارکیٹ غیر مستحکم ہے اور قیمتوں میں قلیل مدتی اتار چڑھاؤ  جاری رہنے کا امکان ہے۔

پڑھنا جاری رکھیں

پاکستان

بشریٰ بی بی کی مقدمات کی تفصیلات فراہمی کیلئے درخواست پر اعتراض ختم، سماعت کیلئے مقرر

درخواست گزار نے عدالت عالیہ سے استدعا کی کہ تمام مقدمات اور انکوائریوں کی تفصیلات فراہم کرنے کا حکم دیا جائے

پر شائع ہوا

ویب ڈیسک

کی طرف سے

بشریٰ بی بی کی مقدمات کی تفصیلات فراہمی کیلئے درخواست پر اعتراض ختم، سماعت کیلئے مقرر

لاہور ہائیکورٹ نے بانی پاکستان تحریک انصاف عمران خان کی اہلیہ بشریٰ بی بی کی مقدمات اور انکوائریز کی تفصیلات فراہمی کیلئے دائر درخواست پر رجسٹرار آفس کا اعتراض ختم کر تے ہوئے اپیل کو کل سماعت کے لیے مقرر کرنے کی ہدایت کر دی۔

لاہور ہائیکورٹ کے جسٹس طارق سلیم نے بشریٰ بی بی کی درخواست پر بطور اعتراض سماعت کی۔

بشریٰ بی بی کی جانب سے دائر درخواست میں مؤقف اختیار کیا گیا کہ بانی پی ٹی آئی کو وزیر اعظم کے عہدے سے ہٹانے کے بعد مقدمات درج کیے جا رہے ہیں، میرے خلاف درج مقدمات اور انکوائریز کی تفصیلات فراہم نہیں کی جا رہیں۔

درخواست گزار نے عدالت عالیہ سے استدعا کی کہ تمام مقدمات اور انکوائریوں کی تفصیلات فراہم کرنے کا حکم دیا جائے۔

درخواست پر رجسٹرار آفس لاہور ہائیکورٹ نے بشریٰ بی بی کی دستاویزات پر انگوٹھے کے نشان نہ ہونے کا اعتراض عائد کیا۔

لاہور ہائیکورٹ نے بشری بی بی کیخلاف درج مقدمات اور انکوائریز کی تفصیلات فراہمی کیلئے درخواست پر رجسٹرار آفس کا اعتراض ختم کرتے ہوئے درخواست کو کل سماعت کے لیے لگانے کی ہدایت کر دی۔

پڑھنا جاری رکھیں

دنیا

اسرائیلی فوج کی ایک بار پھر رہائشی علاقوں پر بمباری، 81 فلسطینی شہید

لاکھوں بے گھر فلسطینیوں کو اسرائیلی فوج کی جانب سے جبری بے دخلی کا حکم دے دیا جبکہ غزہ کے دیگر علاقوں میں بھی صہیونی افواج کے حملے جاری ہیں

پر شائع ہوا

ویب ڈیسک

کی طرف سے

اسرائیلی فوج کی ایک بار پھر رہائشی علاقوں پر بمباری، 81 فلسطینی شہید

اسرائیلی فوج نے خان یونس میں تیسری بار آپریشن کے دوران رہائشی علاقوں پربمباری کردی، جس کے نتیجے میں 81 نہتے فلسطینی شہید جبکہ 200 سے زائد زخمی ہو گئے۔

لاکھوں بے گھر فلسطینیوں کو اسرائیلی فوج کی جانب سے جبری بے دخلی کا حکم دے دیا جبکہ غزہ کے دیگر علاقوں میں بھی صہیونی افواج کے حملے جاری ہیں۔

غزہ شہر میں اقوام متحدہ امدادی ایجنسی (انروا) کا قافلہ بھی اسرائیلی حملوں کی زد میں آیا۔

علاوہ ازیں غزہ میں مزید 2اسرائیلی یرغمالی ہلاک ہو گئے، اسرائیلی فوج نے یر غمالیوں کی ہلاکت کی تصدیق کر دی، غزہ میں دستی بم دھماکے میں ایک اسرائیلی فوجی بھی ہلاک ہو گیا۔

دوسری طرف لبنان سے حزب اللہ کی جانب سے اسرائیلی فوج کے بنکرز کو ڈرون حملے کا نشانہ بنایا گیا ہے۔

پڑھنا جاری رکھیں

ٹرینڈنگ

Take a poll