ٹی 20 ورلڈ کپ ، جنوبی افریقہ اور بھارت کے درمیان فائنل آج ہو گا

ٹی 20ورلڈ کپ کا فائنل آج جنوبی افریقہ اور بھارت کے درمیان بارباڈوس میں کھیلا جائے گا۔فائنل پاکستانی وقت کے مطابق شام ساڑھے 7 بجے کھیلا جائے گا، دونوں ٹیمیں ایونٹ میں ابھی تک ناقابل شکست ہیں۔

ورلڈ کپ فائنل کے دلچسپ ہونے کا امکان ہے، جبکہ موسم بھی کروٹیں لے رہا ہے اور بارش بھی مداخلت کیلئے تیار ہے۔بارش کی صورت میں اتوار کو ریزرو ڈے رکھا گیا ہے تاہم اس دن بھی بارش کا امکان ہے۔

اگر دونوں دن میں میچ مکمل نہ ہوا تو دونوں ٹیمیں بغیر ہارے ٹرافی کی حقدار قرار پائیں گی۔

یادرہے کہ بھارت نے تیسری مرتبہ فائنل میں رسائی حاصل کی ہے، 2014 کے فائنل میں اسے سری لنکا نے شکست دی تھی، بھارت 2007 کے پہلے ورلڈ کپ کا فاتح بنا تھا۔

دوسری جانب جنوبی افریقہ کی ورلڈ کپ کے فائنل میں یہ پہلی انٹری ہے۔