آئی ایس پی آر کے مطابق حوالدار لالک جان نشان حیدر کے 25 ویں یوم شہادت پر مسلح افواج، چیئرمین جوائنٹ چیف آف سٹاف کمیٹی، سروسز چیفس نے شہید لالک جان کو خراج عقیدت پیش کیا۔

پاک فوج کے شعبہ تعلقات عامہ کے مطابق اس دن حوالدار لالک جان نے کارگل تنازع کے دوران اپنی جان کا نذرانہ پیش کیا، ان کی بہادری ہمارے سپاہیوں کیلئے ایک مثال ہے۔

آئی ایس پی آر کے مطابق دفاع وطن کیلئے زندگی قربان کرنے والوں کو سب سے بڑا اعزاز دیا جاتا ہے، مادر وطن کی حفاظت کیلئے غیر متزلزل عزم پر قوم اپنے بہادر سپاہیوں کی ہمیشہ شکر گزار رہے گی۔

پاک فوج کے شعبہ تعلقات عامہ کے مطابق ہم اپنے ان شہیدوں کی یاد کو خراج تحسین پیش کرتے ہیں جنہوں نے اپنے ملک کے دفاع میں لازوال قربانیاں دیں۔

اسرائیلی فوج نے غزہ میں قائم اقوام متحدہ کے سکول پر بمباری کر دی جس کے نتیجے میں 16 فلسطینی شہید اور 75 زخمی ہو گئے۔

غیر ملکی میڈیا کے مطابق اسرائیل نے ہفتے کے روز وسطی غزہ میں بے گھر فلسطینی خاندانوں کو پناہ دینے والے فلاحی ادارے کے سکول پر حملہ کیا۔

فلسطینی وزارت صحت کے مطابق نصیرات کیمپ میں قائم اسکول پر حملے کے نتیجے میں 16 فلسطینی شہید ہوگئے جن میں بچے بھی شامل ہیں جبکہ 50 سے زائد افراد زخمی ہوگئے۔

اس حوالے سے غزہ سول ایمرجنسی سروس کے ترجمان کی جانب سے بتایا گیا ہے کہ زخمی ہونے والوں میں بعض کی حالت انتہائی تشویش ناک ہے جس کے باعث شہادتوں کی تعداد میں اضافے کا خدشہ ہے۔

دوسری جانب اسرائیلی فوج کا کہنا ہے کہ اس علاقے میں حملہ حماس کے جنگجوؤں کی موجوگی کی اطلاع  پر کیا گیا جو اس جگہ کو  اسرائیلی فوجیوں کے خلاف منصوبہ بندی اور حملوں کے لیے ایک خفیہ ٹھکانے کے طور پر استعمال کر رہے تھے جبکہ حماس کی جانب سے اسرائیل کے بیان کی تردید کی گئی ہے۔

واضح رہے 7 اکتوبر 2023 سے شروع ہونے والے اسرائیلی حملوں میں اب تک 38 ہزار سے زائد فلسطینی شہید ہوچکے ہیں جن میں بچوں اور خواتین کی بھی بڑی تعداد شامل ہے۔

ورلڈ چیمپئن شپ آف لیجنڈز 2024ء کے بڑے میچ میں پاکستان نے اپنے روایتی حریف بھارت کو 68 رنز کے مارجن سے شکست دے دی۔

انگلینڈ کی میزبانی میں ہونے والے میچ میں بھارتی ٹیم کے کپتان ہربجن سنگھ نے ٹاس جیت کر پہلے بیٹنگ کرنے کی دعوت دی ، بھارت نے پاکستان کو 244 رنز کا ہدف دیا تھا۔

پاکستانی بیٹرز نے بھارتی کپتان کی دعوت کا فائدہ اٹھایا اور پہلے دونوں میچوں میں ناکام رہنے والے کامران اکمل اور شرجیل خان نے بھارتی باؤلرز کے خلاف شاندار کھیل کیا۔ دونوں اوپنرز نے10 اوور اور 4 گیندوں میں 145 رنز بنا ئے۔

پہلی وکٹ شرجیل خان نے 30 بالز پر 72 رنز بنائے، جبکہ دوسرے نمبر صہیب مقصود نے بھارتی باؤلرز کی ایک نہ چلنے دی اور انہوں نے 189 رنز پر کامران اکمل کو کلین بولڈ کر دیا۔ کامران اکمل نے 40 بالز پر 77 رنز کی شاندار اننگز کھیلی۔

اوپنر کامران اکمل کے بعد شعیب ملک نے صہیب مقصود کی اونچی مدد کی اور ٹیم کا مجموعی سکور 230 تک پہنچایا، لیکن پھر صہیب کیچ آؤٹ ہو کر پویلین لوٹ گئے اور شاہد آفریدی کوئی سکور بنائے بغیر ہی واپس چلے گئے۔

شعیب ملک 25 اور عامر یامین 5 رنز کے ساتھ ناٹ آؤٹ رہے۔ پاکستان نے مقررہ 20 اوورز میں 4 وکٹوں کے نقصان پر 243 رنز بنائے، جبکہ بھارت کی جانب سے عرفان پٹھان نے ایک اوور میں 25 رنز دیے۔

آر پی سنگھ، انوریت سنگھ، دھول کلکرنی، اور پون نیگی نے بھی ایک ایک وکٹ حاصل کیا۔ بھارتی ٹیم نے مقررہ 20 اوورز میں 175 رنز کے سکور بنا سکی، جبکہ پاکستانی باؤلرز وہاب ریاض، شعیب ملک اور سہیل تنویرنے 3، 3، اور  سہیل خان 1 وکٹ حاصل کی۔