جرم
14 سالہ لڑکی سے مبینہ زیادتی ، مقدمہ درج
لودھراں کے علاقے راجا پور میں 14 سالہ لڑکی سے مبینہ زیادتی کا واقعہ سامنے آیا ہے۔
لڑکی کے والد نے الزام لگایا کہ ملزم نےگزشتہ سال 15اکتوبرکو میری بیٹی کو زیادتی کانشانہ بنایا تھا۔
والد نے مزید کہا کہ ملزم نے زیادتی کی ویڈیو بناکر بیٹی کو بلیک میل کرتا رہا ہے۔
انہوں نے یہ بھی کہا کہ ملزم نے جعلی نکاح نامے کے ذریعے بیٹی کی حوالگی کے لیے درخواست بھی دائر کردی ہے۔پولیس حکام کے مطابق ملزم اور نکاح خواں سمیت 9 افراد کے خلاف مقدمہ درج کرلیا گیا ہے۔
تفتیشی افسر نےکہا کہ ملزمان عبوری ضمانت پر ہیں، لڑکی کا میڈیکل کرالیا گیا ہے۔تفتیشی افسر نے مزید کہا کہ میڈیکل رپورٹ اور مزید تفتیش کے بعد حقائق معلوم ہوں گے۔
جرم
ٹانک میں سکیورٹی فورسز کا انٹیلی جنس بیسڈ آپریشن، 4 دہشتگرد جہنم واصل
علاقے میں دہشت گردی کی متعدد کارروائیوں میں سرگرم تھے،آئی ایس پی آر
ٹانک میں سکیورٹی فورسز نے انٹیلی جنس بیسڈ آپریشن کے دوران چار دہشتگردوں کو جہنم واصل کردیا۔
پاک فوج کے شعبہ تعلقات عامہ(آئی ایس پی آر) کے مطابق پاک فوج نے دہشت گردوں کے ٹھکانے کا موثر انداز میں پتہ لگایا جس کے نتیجے میں چار دہشت گردوں کو جہنم واصل کر دیا گیا۔ یہ دہشت گرد علاقے میں دہشت گردی کی متعدد کارروائیوں میں سرگرم تھے۔ دہشتگردوں سے اسلحہ و گولہ بارود بھی برآمد کر لیا گیا ہے۔
آئی ایس پی آر کاکہنا ہے کہ مقامی افراد نے امن اور استحکام کیلئے سکیورٹی فورسز کی کوششوں کو سراہا، سکیورٹی فورسز قوم کے شانہ بشانہ ملک سے دہشتگردی کی لعنت کے خاتمے کیلئے پرعزم ہیں۔
علاقائی
اپوزیشن کا کسانوں کے ساتھ احتجاج کا اعلان
کسانوں کی آواز بنیں گے، حکومت نے گندم کے معاملے پر لاپرواہی برتی، اپوزیشن لیڈر پنجاب اسمبلی
پنجاب اسمبلی میں اپوزیشن نے کسانوں کے ساتھ اظہار یکجہتی کرتے ہوئے ان کے ساتھ مل کر احتجاج کرنے کا اعلان کر دیا۔
پنجاب اسمبلی میں اپوزیشن لیڈررانا آفتاب احمد نے میڈیا سے گفتگو کرتے ہوئے کہا کہ کسان اپنے حقوق کیلئے لڑ رہے ہیں کسانوں کی آواز بنیں گے۔ حکومت نے گندم کے معاملے پر لاپرواہی برتی ہے اور گندم میں خریداری میں تاخیر سے مزید مشکلات بڑھیں گی۔ حکومت نے کسانوں کو درپیش مسائل کی طرف کوئی توجہ نہیں دی۔
یاد رہے کہ گندم کی سرکاری خریداری میں تاخیر کے باعث کسانوں نے احتجاج کا اعلان کیا تھا۔
واضح رہے کہ کسان بورڈ پاکستان کے مطابق کسان بورڈ پنجاب کے سربراہ میاں عبدالرشید کو لاہور سے گرفتار کر لیا گیا ہے۔ اس کے علاوہ دیگر رہنماؤں کے گھروں پر چھاپے مارے جا رہے ہیں۔
بورڈ نے کہا کہ احتجاج روکنے کے لیے گرفتاریاں کی جا رہی ہیں۔
دوسری جانب پاکپتن میں پاکستان کسان اتحاد کے مرکزی نائب صدر صابر نیاز کو 30 دن کے لئے نظر بند کر دیا گیا ہے۔
پاکستان
سنی اتحاد کونسل کے سربراہ کا پی ٹی آئی کو ایک بار پھر اسمبلیوں سے استعفے دینے کا مشورہ
اگر آنے والے ہفتوں میں بانی پی ٹی آئی کو انصاف نہ ملا تو ہم اسمبلیوں میں نہیں بیٹھیں گے، صاحبزادہ حامد رضا
سنی اتحاد کونسل کے سربراہ صاحبزادہ حامد رضا نے پی ٹی آئی کو ایک بار پھر اسمبلیوں سے استعفے دینے کا مشورہ دے دیا۔
سوشل میڈیا پلیٹ فارم ایکس پر اپنے ٹویٹ میں صاحبزادہ حامد رضا نے کہا کہ پی ٹی آئی کی قیادت کو اسمبلیوں سے استعفیٰ دینے اور انصاف دلانے کے لیے سڑکوں پر آنے کی ضرورت ہے۔
PTI leadership need to consider resigning from assemblies and coming out on streets if Imran Khan didn't get justice in coming weeks , we are not sitting in the assemblies to give this government a breathing space . I will be the 1st one to resign from National Assembly for IK .
— Sahibzada Hamid Raza (@_SahibzadaHamid) April 28, 2024
صاحبزادہ حامد رضا نے کہا کہ اگر آنے والے ہفتوں میں بانی پی ٹی آئی کو انصاف نہ ملا تو ہم اسمبلیوں میں نہیں بیٹھیں گے، میں بانی پی ٹی آئی کے لیے قومی اسمبلی سے مستعفی ہونے والا پہلا شخص ہوں گا۔
واضح رہے کہ گزشتہ روز پی ٹی آئی نے کراچی تا سکھر ریلیز بانی پی ٹی آئی مارچ نکالا تھا، مارچ کی قیادت حلیم عادل شیخ اور شعیب شاہین نے کی تھی۔
-
تجارت 2 دن پہلے
پٹرولیم مصنوعات کی قیمتوں میں بڑی کمی کا امکان
-
پاکستان 2 دن پہلے
پولیس کے بعد مریم نواز کو ایلیٹ وردی پہنائے جانے کی تیاریاں ، بڑا انکشاف
-
تجارت 2 دن پہلے
مریم نواز کی نیدرلینڈ کمپنیوں کو پنجاب میں سرمایہ کاری کی دعوت
-
دنیا 2 دن پہلے
غزہ کی امدادی ترسیل ، امریکہ نے عارضی بندرگاہ کی تعمیر شروع کردی ، پینٹا گان
-
جرم 2 دن پہلے
لاہور : جوہر ٹاؤن میں گھریلو ملازمہ پر اسرار طور پر جاں بحق ،تحقیقات جاری
-
ٹیکنالوجی 2 دن پہلے
ٹِک ٹاک فروخت کرنے کی غیر ملکی میڈیا رپورٹس درست نہیں
-
تجارت 2 دن پہلے
پاکستان کی زری پالیسی کمیٹی کا اجلاس پیر 29 اپریل کو ہوگا، سٹیٹ بینک
-
پاکستان 2 دن پہلے
کسی شہری کا پاسپورٹ غیر قانونی طور پر بلاک نہ کیا جائے ، پشاور ہائی کورٹ