پنڈی ٹیسٹ : پاکستان کا جنوبی افریقہ کو جیت کیلئے تگڑا ہدف

پنڈی اسٹیدیم میں کھیلے جارہے دوسرے ٹیسٹ کے چوتھے روز کھیل کا آغاز ہوا تو پاکستان نے 6 وکٹ کے نقصان پر 129 رنزبنا رکھے تھے ، محمد رضوان 28 رنز کے ساتھ وکٹ پر موجود تھے تاہم آغاز میں ہی پاکستان کی ساتویں وکٹ 159 رن پر گر گئی جب حسن علی 5 رن بنا کر آؤٹ ہوئے، مہاراج نے انہیں ایل بی ڈبلیو کیا۔

Pakistan have been bowled out for 298 with Mohammad Rizwan unbeaten on 115!

South Africa need 370 to win ?#PAKvSA ➡️ https://t.co/dHR9CvAE8T pic.twitter.com/RaQrPOkzDU

— ICC (@ICC) February 7, 2021

حسن علی کے آؤٹ ہونے کے بعد یاسر شاہ اور محمد رضوان نے 50 رنز سے زائد کی شراکت داری قائم کی،  یاسر شاہ 23 رن بنا کر آؤٹ ہوئے۔رضوان نے اپنی ذمہ دارنہ اننگز جاری رکھتے ہوئے یاسر شاہ اور نعمان علی کے ساتھ اچھی شراکت داریاں قائم کرکے پاکستان کو مضبوط پوزیشن میں کھڑا کردیااور اپنے کیرئیر کی پہلی سنچری بھی سکور کی اور اننگز کے آخر تک 115سکور کے ساتھ ناقابل شکست رہے۔ 

اس قبل جنوبی افریقہ کی پوری ٹیم پاکستان کے 272 رنز کے جواب میں 201 بنا کر آوٹ ہو گئی ، پاکستان کے فاسٹ باولر حسن علی نے پروٹیز بیٹنگ لائن کی دھجیاں اڑا دیں اور پانچ وکٹیں حاصل کر کے جنوبی افریقی اننگز سمیٹ کر پاکستان کو برتری دلانے میں کلیدی کردار ادا کیا۔ جنوبی افریقہ کی جانب سے سب سے زیادہ سکور ٹیمبا نے بنایا اور وہ 44 رنز کے ساتھ ناقابل شکست رہے ، ان کے علاوہ کپتان ڈی کاک 29 ، ایڈن مرکرام 32اور مولڈر 33 رنز بنانے میں کامیاب ہوئے ۔