پاکستان کی پہلی پاپ گلوکارہ نازیہ حسن کو دنیا سے رخصت ہوئے چوبیس سال بیت گئے

پاکستان کی پہلی پاپ گلوکارہ نازیہ حسن کو دنیا سے رخصت ہوئے چوبیس سال گزر گئے۔

3 اپریل 1965 کو کراچی میں پیدا ہونے والی نازیہ حسن کے گانے ڈریمر نے دنیا بھر میں دھوم مچائی ،ان کے پینسٹھ لاکھ ریکارڈ کیسٹس فروخت ہوئے۔ 

نازیہ حسن  نے پندرہ برس کی عمر میں گلوکاری کی دنیا میں قدم رکھا،پھر جو گایا کمال گایا اور دنیا بھر میں شہرت پائی۔

کم عمری میں پرائیڈ آف پرفارمنس“ اور ”بیسٹ فی میل پلے بیک سنگر“ کا ایوارڈ حاصل کیا۔ ”ڈسکو دیوانے ۔۔ ”بوم بوم“ اور ”آنکھیں ملانے والے“ گانوں کے ذریعے فینز کے دلوں میں گھر کرلیا۔

ملکہ پوپ گلوکاری کو صدارتی تمغہ برائے حسن کارکردگی سے بھی نوازا گیا،شوبز ستارے کہتے ہیں نازیہ حسن اب بھی دلوں میں زندہ ہیں ۔۔

شہرت کی بلندیوں کو چھونے والی نازیہ حسن کم عمری میں پھیپھڑوں کے کینسر میں مبتلا ہوئیں،اور13 اگست 2000 کو 35سال کی عمرمیں لندن کےاسپتال میں انتقال کرگئیں۔