صحت
سندھ :رواں سال ڈینگی کے کیسز میں 135 فیصد اضافہ
سندھ میں رواں سال جنوری سے جولائی تک ڈینگی کے 1034 کیسز رپورٹ ہوئے ہیں
![سندھ :رواں سال ڈینگی کے کیسز میں 135 فیصد اضافہ](/media/115979/conversions/dengue-1280x720.jpg)
کراچی : سندھ میں ڈینگی وائرس نے ایک بار پھر تشویش ناک صورتحال پیدا کر دی ہے۔ صوبے میں رواں سال کے ابتدائی سات مہینوں کے دوران ڈینگی کے کیسز میں گزشتہ سال کے مقابلے میں 135 فیصد کا اضافہ ریکارڈ کیا گیا ہے۔
محکمہ صحت کے اعداد و شمار کے مطابق سندھ میں رواں سال جنوری سے جولائی تک ڈینگی کے 1034 کیسز رپورٹ ہوئے ہیں، جبکہ گزشتہ سال اسی مدت میں یہ تعداد 440 تھی۔
سندھ میں رپورٹ ہونے والے ڈینگی کے کل 1167 کیسز میں سے 1022 صرف کراچی سے ہیں۔ شہر کے مختلف علاقوں میں ڈینگی کے مریضوں کی تعداد میں مسلسل اضافہ ہو رہا ہے۔ خاص طور پر ضلع شرقی میں 329 کیسز رپورٹ ہونا انتہائی تشویشناک ہے۔
کراچی کے علاوہ حیدرآباد، میرپورخاص، سکھر، لاڑکانہ اور شہید بینظیرآباد میں بھی ڈینگی کے کیسز رپورٹ ہوئے ہیں۔ حیدرآباد میں 83، میرپورخاص میں 34، سکھر میں 12، لاڑکانہ اور شہید بینظیرآباد میں 8،8 کیسز رپورٹ ہوچکے ہیں۔
بدقسمتی سے رواں سال سندھ میں ڈینگی کے سبب ایک ہلاکت بھی رپورٹ ہوئی ہے جو کہ کراچی سے ہے۔
ماہرین کا کہنا ہے کہ ڈینگی کے کیسز میں اضافے کی اہم وجوہات میں موسمی تبدیلیاں، صفائی کا فقدان اور مچھر کے پالنے والے مقامات کا خاتمہ نہ ہونا شامل ہیں۔
صوبائی حکومت نے ڈینگی کے پھیلاؤ کو روکنے کے لیے مختلف اقدامات اٹھائے ہیں جن میں مچھر مارنے کی مہم، عوام میں آگاہی پھیلانا اور طبی سہولیات فراہم کرنا شامل ہیں۔
موسم
جڑواں شہروں کی انتظامیہ کا صبح 6بجے راول ڈیم کے سپل وے کھولنےکا اعلان
انتظامیہ کا مزید کہنا تھا کہ کسی بھی ایمرجنسی کی صورت میں ریسکیو ذرائع سے رابطہ کریں
![جڑواں شہروں کی انتظامیہ کا صبح 6بجے راول ڈیم کے سپل وے کھولنےکا اعلان](/media/115968/conversions/335761_3041135_updates-1280x720.jpg)
جڑواں شہروں کی انتظامیہ نے کل صبح 6بجے راول ڈیم کے سپل وے کھولنےکا اعلان کردیا ۔
ضلعی انتظامیہ کا کہنا ہے کہ شہریوں سے درخواست ہے کے دریا ندی نالوں کی طرف جانے سے اجتناب کریں، نشیبی علاقوں کے مکینوں سے گزارش ہے کے حفاظتی تدابیر کا اختیار کریں۔
انتظامیہ کا مزید کہنا تھا کہ کسی بھی ایمرجنسی کی صورت میں ریسکیو ذرائع سے رابطہ کریں، نشیبی علاقوں سے مال مویشی وقت طور پر محفوظ مقام پر لے جائیں تا کہ کسی بھی نقصان سے محفوظ رہیں۔
جرم
پنجاب اور سندھ پولیس کا کچے کے علاقے میں ڈاکوؤں کے خلاف کریک ڈاؤن کا فیصلہ
انہوں نے مزید کہا کہ ماضی میں سندھ اور پنجاب کے سرحدی علاقوں میں ڈاکوؤں کے خلاف کریک ڈاؤن کے لیے مشترکہ آپریشنز کیے گئے اور یہ تعاون جاری ہے
![پنجاب اور سندھ پولیس کا کچے کے علاقے میں ڈاکوؤں کے خلاف کریک ڈاؤن کا فیصلہ](/media/115966/conversions/324931_380561_updates-1280x720.jpg)
کراچی: پنجاب کے انسپکٹر جنرل (آئی جی) پولیس عثمان انور نے کچے کے علاقے میں ڈاکوؤں کے خلاف کریک ڈاؤن شروع کرنے کے لیے آئی جی سندھ غلام نبی میمن سے رابطہ کیا۔ دونوں صوبوں نے ان مجرموں کو نشانہ بنانے کے لیے انٹیلی جنس کی بنیاد پر آپریشن کرنے کا فیصلہ کیا ہے۔
اس معاملے پر بات کرتے ہوئے آئی جی سندھ غلام نبی میمن نے بتایا کہ پنجاب اور سندھ پولیس کے درمیان انٹیلی جنس شیئرنگ جاری ہے۔ انہوں نے کہا جب بھی پنجاب پولیس کو سندھ میں مدد کی ضرورت ہوتی ہے، ہم ان کی مدد کے لیے وہاں موجود ہوتے ہیں۔
انہوں نے مزید کہا کہ ماضی میں سندھ اور پنجاب کے سرحدی علاقوں میں ڈاکوؤں کے خلاف کریک ڈاؤن کے لیے مشترکہ آپریشنز کیے گئے اور یہ تعاون جاری ہے۔
آئی جی میمن نے وضاحت کی کہ وہ اور پنجاب کے آئی جی عثمان انور نے اس بات پر اتفاق کیا کہ سندھ میں گھوٹکی اور کشمور کے سرحدی علاقوں اور پنجاب میں راجن پور اور رحیم یار خان میں پولیس فورسز کی جانب سے مشترکہ کریک ڈاؤن کیا جائے گا۔
چیلنجز کی وضاحت کرتے ہوئے آئی جی میمن نے کہا کہ کچے کے علاقے میں سرحدوں کا تعین کرنا ایک پیچیدہ کام ہے۔
انہوں نے اس بات پر زور دیا کہ دونوں صوبائی پولیس فورسز اب قانون نافذ کرنے والے اداروں کو نشانہ بنانے والے فعال گروہوں کو ختم کرنے کے لیے اپنی حکمت عملی میں پوری طرح سے منسلک ہیں۔ اس مربوط کوشش سے جلد ہی موثر نتائج کی توقع ہے۔
ٹیکنالوجی
ٹیلی گرام کے بانی پاول دورو فرانس میں گرفتار
پاول دورو پر قانون نافذ کرنے والے اداروں سے تعاون نہ کرنے، منشیات کی اسمگلنگ، کمسنوں سے مجرمانہ فعل اور دھوکہ دہی جیسے سنگین الزامات عائد
![ٹیلی گرام کے بانی پاول دورو فرانس میں گرفتار](/media/115980/conversions/Telegram-1280x720.jpg)
پیرس : پیغام رسانی کے مقبول پلیٹ فارم ٹیلی گرام کے بانی اور سی ای او پاول دورو کو فرانس میں گرفتار کر لیا گیا ہے۔
فرانسیسی حکام نے پیرس میں آزربائیجان سے آنے والے دورو کے نجی طیارے کو روک کر انہیں حراست میں لیا ہے۔ 39 سالہ پاول دورو جو روس اور فرانس دونوں ممالک کی شہریت رکھتے ہیں۔
فرانسیسی میڈیا کے مطابق بانی ٹیلی گرام پاول دورو پر قانون نافذ کرنے والے اداروں سے تعاون نہ کرنے، منشیات کی اسمگلنگ، کمسنوں سے مجرمانہ فعل اور دھوکہ دہی جیسے سنگین الزامات عائد کیے گئے ہیں۔ آج ان پر باقاعدہ طور پر فرد جرم عائد کی جا سکتی ہے۔
دوسری جانب اسرائیلی میڈیا کے مطابق دورو پر دہشت گردی، منی لانڈرنگ اور چوری شدہ اشیاء کی خرید و فروخت میں ملوث ہونے کا بھی الزام عائد کیا جا سکتا ہے۔
واضح رہے کہ پاول دورو نے 2014 میں روس چھوڑ دیا تھا کیونکہ روسی حکومت ٹیلی گرام کو بند کرنے کے لیے مسلسل دباؤ ڈال رہی تھی۔ دورو نے اپنا سوشل میڈیا پلیٹ فارم بند کرنے سے انکار کر دیا تھا۔ ٹیلی گرام آج کل روس اور یوکرین میں خاص طور پر مقبول ہے۔
۔۔۔۔۔۔۔۔۔۔۔۔۔
-
پاکستان 2 دن پہلے
فیڈرل بورڈ : انٹرمیڈیٹ کے سالانہ امتحانات کے نتائج کا اعلان
-
پاکستان 21 گھنٹے پہلے
پاک فوج کا کامیاب ریسکیو آپریشن: 7کوہ پیماؤں کو بچا لیا
-
دنیا 18 گھنٹے پہلے
نریندر مودی کے طیارے کا پاکستانی حدود استعمال کرنے کا انکشاف
-
علاقائی ایک دن پہلے
چہلم شہدائے کربلا: کراچی سمیت سندھ میں ڈبل سواری پر پابندی
-
دنیا ایک دن پہلے
نیپال کے صوبہ گنداکی میں بھارتی مسافر بس الٹنے سے 14 افراد ہلاک
-
پاکستان 2 دن پہلے
مولانا فضل الرحمان کا سپریم کورٹ کے فیصلے پرکل یوم تشکرمنانے کا اعلان
-
جرم 2 دن پہلے
کارساز حادثے کی ایک اور سی سی ٹی وی فوٹیج سامنے آگئی
-
تجارت ایک دن پہلے
مرکزی تنظیم تاجران نے 8 ستمبر کو ملک گیر شٹرڈاون ہڑتال کا اعلان