جڑواں  شہروں کی انتظامیہ نے کل صبح 6بجے راول ڈیم کے سپل وے کھولنےکا اعلان کردیا ۔

ضلعی انتظامیہ کا کہنا ہے کہ شہریوں سے درخواست ہے کے دریا ندی نالوں کی طرف جانے سے اجتناب کریں، نشیبی علاقوں کے مکینوں سے گزارش ہے کے حفاظتی تدابیر کا اختیار کریں۔

انتظامیہ کا مزید کہنا تھا کہ کسی بھی ایمرجنسی کی صورت میں ریسکیو ذرائع سے رابطہ کریں، نشیبی علاقوں سے مال مویشی وقت طور پر محفوظ مقام پر لے جائیں تا کہ کسی بھی نقصان سے محفوظ رہیں۔ 

کراچی: پنجاب کے انسپکٹر جنرل (آئی جی) پولیس عثمان انور نے کچے کے علاقے میں ڈاکوؤں کے خلاف کریک ڈاؤن شروع کرنے کے لیے آئی جی سندھ غلام نبی میمن سے رابطہ کیا۔ دونوں صوبوں نے ان مجرموں کو نشانہ بنانے کے لیے انٹیلی جنس کی بنیاد پر آپریشن کرنے کا فیصلہ کیا ہے۔

اس معاملے پر بات کرتے ہوئے آئی جی سندھ غلام نبی میمن نے بتایا کہ پنجاب اور سندھ پولیس کے درمیان انٹیلی جنس شیئرنگ جاری ہے۔ انہوں نے کہا جب بھی پنجاب پولیس کو سندھ میں مدد کی ضرورت ہوتی ہے، ہم ان کی مدد کے لیے وہاں موجود ہوتے ہیں۔

انہوں نے مزید کہا کہ ماضی میں سندھ اور پنجاب کے سرحدی علاقوں میں ڈاکوؤں کے خلاف کریک ڈاؤن کے لیے مشترکہ آپریشنز کیے گئے اور یہ تعاون جاری ہے۔

آئی جی میمن نے وضاحت کی کہ وہ اور پنجاب کے آئی جی عثمان انور نے اس بات پر اتفاق کیا کہ سندھ میں گھوٹکی اور کشمور کے سرحدی علاقوں اور پنجاب میں راجن پور اور رحیم یار خان میں پولیس فورسز کی جانب سے مشترکہ کریک ڈاؤن کیا جائے گا۔

چیلنجز کی وضاحت کرتے ہوئے آئی جی میمن نے کہا کہ کچے کے علاقے میں سرحدوں کا تعین کرنا ایک پیچیدہ کام ہے۔

انہوں نے اس بات پر زور دیا کہ دونوں صوبائی پولیس فورسز اب قانون نافذ کرنے والے اداروں کو نشانہ بنانے والے فعال گروہوں کو ختم کرنے کے لیے اپنی حکمت عملی میں پوری طرح سے منسلک ہیں۔ اس مربوط کوشش سے جلد ہی موثر نتائج کی توقع ہے۔

پیرس : پیغام رسانی کے مقبول پلیٹ فارم ٹیلی گرام کے بانی اور سی ای او پاول دورو کو فرانس میں گرفتار کر لیا گیا ہے۔ 

فرانسیسی حکام نے پیرس میں آزربائیجان سے آنے والے دورو کے نجی طیارے کو روک کر انہیں حراست میں لیا ہے۔ 39 سالہ پاول دورو جو روس اور فرانس دونوں ممالک کی شہریت رکھتے ہیں۔

فرانسیسی میڈیا کے مطابق بانی ٹیلی گرام پاول دورو پر قانون نافذ کرنے والے اداروں سے تعاون نہ کرنے، منشیات کی اسمگلنگ، کمسنوں سے مجرمانہ فعل اور دھوکہ دہی جیسے سنگین الزامات عائد کیے گئے ہیں۔ آج ان پر باقاعدہ طور پر فرد جرم عائد کی جا سکتی ہے۔

دوسری جانب اسرائیلی میڈیا کے مطابق دورو پر دہشت گردی، منی لانڈرنگ اور چوری شدہ اشیاء کی خرید و فروخت میں ملوث ہونے کا بھی الزام عائد کیا جا سکتا ہے۔

واضح رہے کہ پاول دورو نے 2014 میں روس چھوڑ دیا تھا کیونکہ روسی حکومت ٹیلی گرام کو بند کرنے کے لیے مسلسل دباؤ ڈال رہی تھی۔ دورو نے اپنا سوشل میڈیا پلیٹ فارم بند کرنے سے انکار کر دیا تھا۔ ٹیلی گرام آج کل روس اور یوکرین میں خاص طور پر مقبول ہے۔
۔۔۔۔۔۔۔۔۔۔۔۔۔