تجارت
یکم ستمبر سے ملک میں پیٹرولیم مصنوعات کی قیمتوں میں کمی کا امکان
یکم ستمبر سے پیٹرول کی قیمت میں 5 روپے فی لیٹر اور ڈیزل کی قیمتوں میں 6 روپے فی لیٹر کمی ہوسکتی ہے
![یکم ستمبر سے ملک میں پیٹرولیم مصنوعات کی قیمتوں میں کمی کا امکان](/media/116070/conversions/errty-1000x600-1280x720.jpg)
مہنگائی کے ستائے عوام کے لیے خوشخبری، یکم ستمبر سے ملک میں پیٹرول کی قیمتوں میں کمی کا امکان ہے۔
میڈیا رپورٹس کے مطابق آئل اینڈ گیس ریگولیٹری اتھارٹی (اوگرا) اور آئل مارکیٹ نے پیٹرولیم مصنوعات کی نئی قیمتوں پر کام کیا ہے جس کے مطابق یکم ستمبر سے پیٹرول کی قیمت میں 5 روپے فی لیٹر اور ڈیزل کی قیمتوں میں 6 روپے فی لیٹر کمی ہوسکتی ہے۔
واضح رہے کہ عالمی منڈی میں خام تیل کی قیمتوں میں کمی کا اثر پیٹرولیم مصنوعات پر پڑے گا۔ عالمی سطح پر خام تیل کی قیمت 79 بیرل تک پہنچ گئی ہے اور اس کا جائزہ 30 اگست تک لیا جائے گا۔
پیٹرولیم مصنوعات سے متعلق حتمی سمری 31 اگست کو بھجوائی جائے گی۔وزیر خزانہ محمد اورنگزیب پیٹرولیم مصنوعات کی نئی قیمتوں کا اعلان وزیراعظم شہباز شریف سے مشاورت کے بعد کریں گے۔
علاقائی
کراچی کے علاقے گولیمار میں فائرنگ کے واقعے پر مختلف مذہبی مکاتبِ فکر کے علماء کی مذمت
مذہبی قیادت کی کراچی شہریوں سے شرپسند عناصر کا ایجنڈا ناکام بنانے کی اپیل
![کراچی کے علاقے گولیمار میں فائرنگ کے واقعے پر مختلف مذہبی مکاتبِ فکر کے علماء کی مذمت](/media/116089/conversions/377196_7335651_updates-1280x720.jpg)
کراچی کے علاقے گولیمار میں مذہبی ریلی پر شرپسند کاروائی کی پرزور مذمت کرتے ہوئے مختلف مذہبی مکاتبِ فکر کے علماء کرام نے کراچی کے شہریوں سے شرپسند عناصر کا ایجنڈا ناکام بنانے کی اپیل کی ہے۔
مولانا اورنگزیب فاروقی نے کہا کہ شرپسند عناصر کی جانب سے کراچی کے امن کو خراب کرنے کی سازش کی گئی ہے لیکن قانون نافذ کرنے والے ادارے جلد تخریب کاروں کو گرفتار کر لیں گے،کارکنان پر امن رہیں اور شرپسند عناصر کی بد امنی کی سازش کو ناکام بنائیں۔
سید نذیر عباس تقوی نے مذہبی اجتماع پر شرپسندوں کی کارروائی کی شدید الفاظ میں مذمت کرتے ہوئے کہا کہ مکار دشمن کی جانب سے فرقہ واریت کو ہوا دینے کی کوشش کو ناکام بنائیں گے۔
مولانا سید شہنشاہ حسین نقوی نے کہا ہے کہ ہم شدت پسندی اور فرقہ واریت کی مذمت کرتے ہیں۔
مولانا تاج حنفی کا کہنا تھا کہ کراچی میں گولیمار کی حدود میں مذہبی مارچ پر شرپسندی کی مذمت کرتے ہیں۔
علامہ سید نذیر عباس تقوی کا کہنا تھا کہ مکار دشمن کی جانب سے فرقہ واریت کو ہوا دینے کی کوشش کو ناکام بنائیں گے
واضح رہے کہ کراچی کے علاقے گولیمار میں مذہبی جماعت کی ریلی گزرنے پر گروہی تصادم کا واقعہ پیش آیا، کشیدگی کے دوران فائرنگ سے 2 افراد جاں بحق اور 9 زخمی ہوگئے جبکہ مشتعل افراد نے کئی گاڑیوں کو بھی آگ لگادی۔
پولیس کے مطابق ایک مذہبی جماعت کی ریلی گولیمار کے علاقے سے گزر رہی تھی، جہاں پہلے سے ایک مذہبی جماعت کا کیمپ لگا تھا، فریقین میں نعرے بازی کے بعد کشیدگی بڑھی، پتھراؤ ہوا جس کے بعد فائرنگ ہوئی۔
علاقائی
جسٹس نعمت اللہ نے بطور قائم مقام چیف جسٹس سندھ ہائیکورٹ حلف اٹھا لیا
گورنر سندھ نے جسٹس نعمت اللہ سے عہدے کا حلف لیا
![جسٹس نعمت اللہ نے بطور قائم مقام چیف جسٹس سندھ ہائیکورٹ حلف اٹھا لیا](/media/116072/conversions/26101410cc7aaec-1280x720.jpg)
جسٹس نعمت اللہ پھلپھوٹو نے بطور قائم مقام چیف جسٹس سندھ ہائیکورٹ حلف اٹھا لیا، گورنر سندھ نے ان سے عہدے کا حلف لیا۔
گورنر سندھ کامران ٹیسوری نے قائم مقام چیف جسٹس نعمت اللہ پھلپھوٹو سے عہدے کا حلف لیا جبکہ تقریب حلف برداری میں سندھ ہائیکورٹ کے ججز، سینئر وکلا اور دیگر بھی شریک ہوئے۔
سینئر پیونی جج جسٹس نعمت الله پھلپوٹو چیف جسٹس شفیع محمد صدیقی کے بیرون ملک سے واپسی تک قائم مقام چیف جسٹس کے فرائض انجام دیں گے۔
تجارت
دو چینی کمپنیوں کا پاکستان میں پلانٹ لگانے کا اعلان
ناپا کیمیکلز اور شنگ شاؤ پنجاب میں ٹیکسٹائل سے متعلقہ خام مال تیار کرے گی
![دو چینی کمپنیوں کا پاکستان میں پلانٹ لگانے کا اعلان](/media/116044/conversions/WhatsApp-Image-2024-08-25-at-5.18.19-PM-1280x720.jpg)
دو سرکردہ چینی کمپنیوں نے پاکستان میں اپنے پلانٹ لگانے کا اعلان کیا ہے جس میں سے ایک اپنا پلانٹ لگائے گی جبکہ دوسری نے ٹیکسٹائل کی صنعت کے لیے خام مال تیار کرنے کے لیے ایک مقامی کمپنی کے ساتھ مشترکہ منصوبہ بنایا ہے۔
دونوں کمپنیوں سے مقامی صنعتوں کے لیے سستے خام مال کی تیاری کے مقصد سے دونوں منصوبوں میں لاکھوں ڈالر کی سرمایہ کاری کی توقع ہے۔ 9ویں کلر اینڈ کیمیکل ایکسپو 2024 کے کنوینر اور پنجاب ڈائز اینڈ کیمیکلز مرچنٹس ایسوسی ایشن کے صدر عبدالرحیم چغتائی نے کہا کہ ناپا کیمیکلز اور شاؤ شنگ کیمیکلز پنجاب میں سرمایہ کاری کریں گے۔
انہوں نے کہا کہ رینبو انڈسٹریز جلد ہی شاؤ شنگ کیمیکلز کے ساتھ مشترکہ منصوبہ شروع کرے گی، چینی سرمایہ کاری سے ہماری مقامی رنگوں اور کیمیکلز کی صنعت کو جدید ترین ٹیکنالوجی کی منتقلی اور ترقی ملے گی۔امن و امان کی صورتحال اور توانائی کے ٹیرف ملک میں بیرونی سرمایہ کاری کی راہ میں حقیقی چیلنج ہیں۔
آرگنائزر راشد الحق نے کہا کہ دو روزہ ایونٹ میں ٹیکنالوجی کی منتقلی، نئی مصنوعات کے بارے میں معلومات، نئے معاہدوں پر دستخط اور کمپنیوں اور ان کے وینڈرز، صنعت کے اسٹیک ہولڈرز، اہم پیشہ ور افراد، پالیسی پر اثر انداز کرنے والے، اعلیٰ درجے کے کاروباری رہنما، اور فیصلہ سازوں کے درمیان بہتر روابط شامل تھے۔ شعبوں کے وسیع میدان میں پھیلا ہوا ہے۔
چائنا ڈائیسٹفز انڈسٹری ایسوسی ایشن کے چیئرمین مسٹر شی ژیان پنگ نے بھی اس میگا ایونٹ میں شرکت کی۔
-
دنیا ایک دن پہلے
نریندر مودی کے طیارے کا پاکستانی حدود استعمال کرنے کا انکشاف
-
پاکستان ایک دن پہلے
اسلام آباد : بلدیاتی الیکشن مؤخر ہونے کا خطرہ
-
پاکستان ایک دن پہلے
پاک فوج کا کامیاب ریسکیو آپریشن: 7کوہ پیماؤں کو بچا لیا
-
تجارت 2 دن پہلے
مرکزی تنظیم تاجران نے 8 ستمبر کو ملک گیر شٹرڈاون ہڑتال کا اعلان
-
علاقائی ایک گھنٹہ پہلے
جسٹس نعمت اللہ نے بطور قائم مقام چیف جسٹس سندھ ہائیکورٹ حلف اٹھا لیا
-
تجارت ایک دن پہلے
سونے کی اُڑان ،نئی تاریخ رقم!
-
علاقائی 2 دن پہلے
سرگودھا : موٹر وے پر 4 کار سوار پر اسرار طور پر ہلاک
-
پاکستان 20 گھنٹے پہلے
ملک کے ساتھ غداری کرنے والوں کا انجام بڑا بھیانک ہوتا ہے، اسحاق ڈار