علاقائی
دریائے سندھ میں سیلابی صورتحال، 50 دیہات زیر آب
سیہون کے مقام پر دریائے سندھ میں 3 لاکھ 50 ہزار کیوسک پانی کا سیلابی ریلا کوٹری بیراج کی طرف گامزن ہے
![دریائے سندھ میں سیلابی صورتحال، 50 دیہات زیر آب](/media/116170/conversions/river-1280x720.jpg)
سیہون: دریائے سندھ میں پانی کی سطح میں خطرناک اضافے کے باعث سیلابی ریلا نے علاقے کو شدید متاثر کیا ہے۔ سیہون کے مقام پر دریائے سندھ میں 3 لاکھ 50 ہزار کیوسک پانی کا سیلابی ریلا کوٹری بیراج کی طرف گامزن ہے۔
سیلاب کے باعث سیہون اور مانجھند تحصیلوں کے کچے علاقے کے 50 دیہات زیر آب گئے ہیں اور متعدد دیہاتوں کا شہروں سے زمینی رابطہ منقطع ہو گیا ہے۔ اس کے علاوہ 25 سکول بھی سیلابی پانی کی زد میں آ گئے ہیں۔
محکمہ آبپاشی نے صورتحال کی سنگینی کو مدنظر رکھتے ہوئے دریائے سندھ کے پشتوں پر ایمرجنسی نافذ کر کے نگرانی شروع کر دی ہے۔ سیلابی پانی کے باعث سیہون اور مانجھند کے کچے علاقے میں سڑکیں بھی ڈوب گئی ہیں۔
مقامی لوگوں کا کہنا ہے کہ سیلاب کے باعث آمد و رفت میں شدید مشکلات کا سامنا ہے ۔
جرم
بلوچ یکجہتی کمیٹی نہتے شہریوں پر حملہ کرکے مطلوبہ مقاصد حاصل کرنے میں ناکام رہی ہے، وزیر اعلی بلوچستان
گزشتہ رات کئے گئے حملوں کا سلسلہ درحقیقت ان کی مایوسی کا مظہر ہے کیونکہ بلوچ یکجہتی کمیٹی مطلوبہ مقاصد حاصل کرنے میں ناکام رہی ہے
![بلوچ یکجہتی کمیٹی نہتے شہریوں پر حملہ کرکے مطلوبہ مقاصد حاصل کرنے میں ناکام رہی ہے، وزیر اعلی بلوچستان](/media/116151/conversions/بلوچ-1280x720.jpg)
وزیر اعلی بلوچستان سرفرازبگٹی نے کہا کہ دہشت گردوں نے نہتے شہریوں، خواتین اور بچوں کو نشانہ بنایا ہے۔
انہوں نے کہا کہ تشدد کے اندھا دھند استعمال کے ذریعے نرم اہداف کو نشانہ بنانے کی یہ حکمت عملی جنگی اور انسانی حقوق کے قوانین کی سراسر خلاف ورزی ہے۔
گزشتہ رات کئے گئے حملوں کا سلسلہ درحقیقت ان کی مایوسی کا مظہر ہے کیونکہ بلوچ یکجہتی کمیٹی مطلوبہ مقاصد حاصل کرنے میں ناکام رہی ہے ۔
وزیر اعلی بلوچستان سرفراز بگٹی نے کہا کہ BLA/BLF کے دہشت گرد پاکستان، بلوچستان کے عوام اور علاقے میں ترقیاتی منصوبوں کے دشمن ہیں۔ وہ یقیناً دشمن انٹیلی جنس ایجنسیوں کی ایماء پر کام کر رہے ہیں۔
انہوں نے کہا کہ قانون نافذ کرنے والے اداروں نے تمام مقامات پر فوراً اور مؤثر ردعمل کا مظاہرہ کیا ہے اور دشمنوں کو بھاری نقصان سے دوچار کیا ہے۔
انہوں نے مزید کہا کہ ریاست اور حکومت پاکستان ایسے بزدلانہ حملوں کی وجہ سے کسی بھی دباؤ میں نہیں آئے گی۔ قانون نافذ کرنے والے ادارے ایسی کارروائیوں کا منہ توڑ جواب دیں گے اور پاکستان اور پاکستانی عوام کے دفاع میں کسی بھی طرح کی قربانی دینے سے دریغ نہیں کریں گے۔
جرم
شمالی وزیرستان کے علاقے رزمک میں بم دھماکا، 4 افراد ہلاک
کمشنر بنوں عابد وزیر کا کہنا ہے کہ تمام افسران وہاں موقع پر موجود ہیں، تمام اسپتالوں میں ایمرجنسی نافذ کردی گئی ہے
![شمالی وزیرستان کے علاقے رزمک میں
بم دھماکا، 4 افراد ہلاک](/media/116139/conversions/261316586cdf01b-1280x720.jpg)
شمالی وزیرستان کے علاقے رزمک میں دھماکا ہوا، جس کے نتیجے میں 4 افراد جاں بحق ہو گئے۔
ذرائع کے مطابق ضلعی انتظامیہ کا کہنا ہے کہ دھماکا تحصیل رزمک بازار میں ہوا، جس کے نتیجے میں 4 افراد جاں بحق جبکہ 18 افراد زخمی ہو گئے۔
پولیس کے مطابق دھماکا خیز مواد موٹر سائیکل میں نصب کیا گیا تھا، واقعے کے بعد قانون نافذ اداروں کے اہلکاروں نے علاقے میں سرچ آپریشن شروع کر دیا۔
کمشنر بنوں عابد وزیر کا کہنا ہے کہ تمام افسران وہاں موقع پر موجود ہیں، تمام اسپتالوں میں ایمرجنسی نافذ کردی گئی ہے۔
کھیل
ویمنز ٹی ٹونٹی ورلڈ کپ کے لیے نظرثانی شدہ شیڈول کا اعلان
آئی سی سی کے مطابق ٹورنامنٹ بنگلہ دیش سے یو اے ای شفٹ کیا گیا ہے ،میگا ایونٹ 3 اکتوبر سے متحدہ عرب امارات کے دو مقامات پر منعقد ہوگا
![ویمنز ٹی ٹونٹی ورلڈ کپ کے لیے نظرثانی شدہ شیڈول کا اعلان](/media/116150/conversions/news-1724691054-4112-1280x720.jpg)
آئی سی سی نے ویمنز ٹی ٹونٹی ورلڈ کپ کے لیے نظرثانی شدہ شیڈول کا اعلان کر دیا۔
آئی سی سی کے مطابق ٹورنامنٹ بنگلہ دیش سے یو اے ای شفٹ کیا گیا ہے ،میگا ایونٹ 3 اکتوبر سے متحدہ عرب امارات کے دو مقامات پر منعقد ہوگا ،ٹورنامنٹ میں دنیا کی ٹاپ 10 خواتین ٹیموں پر مشتمل ہوگا ،ٹورنامنٹ میں فائنل سمیت مجموعی طور پر 23 میچز کھیلے جائیں گے۔
-
پاکستان 20 گھنٹے پہلے
حکومت کا بجلی کے پری پیڈ میٹرز لانے کا منصوبہ زیر غور
-
پاکستان 19 گھنٹے پہلے
منی لانڈرنگ کیس،عدالتی احکامات پر پی ٹی آئی رہنما مونس الٰہی کا شناختی کارڈ بلاک
-
تجارت 2 دن پہلے
سونے کی اُڑان ،نئی تاریخ رقم!
-
دنیا 2 دن پہلے
نریندر مودی کے طیارے کا پاکستانی حدود استعمال کرنے کا انکشاف
-
تجارت ایک دن پہلے
یکم ستمبر سے ملک میں پیٹرولیم مصنوعات کی قیمتوں میں کمی کا امکان
-
ٹیکنالوجی 2 دن پہلے
ٹیلی گرام کے بانی پاول دورو فرانس میں گرفتار
-
پاکستان ایک دن پہلے
پی ٹی آئی کا 27 اگست کو لاہور میں ہونے والا جلسہ بھی ملتوی
-
پاکستان 11 گھنٹے پہلے
28 اگست کو پورے ملک میں ہڑتال کریں گے، نائب امیر جماعت اسلامی