خیبر پختونخوا میں منکی پاکس کے کیسز میں اضافہ، تیسرا مریض بھی سامنے آگیا

پشاور :خیبر پختونخوا میں منکی پاکس کے کیسز میں اضافہ ہوتا جا رہا ہے۔ صوبے میں تیسرا کیس سامنے آنے کی تصدیق ہو گئی ہے۔ 

ڈائریکٹر پبلک ہیلتھ ڈاکٹر ارشاد روغانی نے بتایا کہ ایک مریض کو پشاور ائیرپورٹ سے سروسز ہسپتال منتقل کیا گیا تھا۔ بعد ازاں پبلک ہیلتھ لیبارٹری نے اس مریض میں منکی پاکس وائرس کی تصدیق کردی ہے۔ 

انہوں نے بتایا کہ خوش قسمتی سے مریض کی حالت بہتر ہے اور وہ فی الحال سروسز ہسپتال میں زیر علاج ہے۔ مریض کا تعلق قبائلی ضلع اورکزئی سے ہے۔

ڈاکٹر ارشاد روغانی کے مطابق اس کے ساتھ ہی خیبر پختونخوا میں رواں سال منکی پاکس کے کیسز کی تعداد 3 ہو گئی ہے۔