پشاور : انڈسٹریل اسٹیٹ کی فیکٹری میں آتشزدگی پر وزیر اعلی ٰ کا انکوائری کا حکم

حیات آباد : پشاور کے علاقے حیات آباد میں  انڈسٹریل اسٹیٹ کی فیکٹری میں آتشزدگی کے واقعہ کا نوٹس لیتے ہوئے وزیر اعلیٰ خیبر پختونخوا علی امین گنڈاپور نے انکوائری کا حکم دے دیا ہے۔
وزیراعلیٰ کے پی علی امین گنڈاپور نے چیف سیکرٹری ندیم اسلم چوہدری کو خط میں واقعے کی انکوائری کا حکم دے دیا ہے۔

خط میں علی امین گنڈاپور نے لکھا کہ فیکٹری میں آگ لگنے کے واقعے پرتشویش ہے اور اس کی وجوہات معلوم کی جائیں۔

انہوں نے کہا کہ انڈسٹریل یونٹ کی مینجمنٹ نے ریلیف سمیت مختلف محکموں کی ہدایات پرعمل کیا تھا؟

واضح رہے کہ وزیر اعلیٰ نے چیف سیکرٹری کو لکھا کہ معلوم کریں کہ کیا کسی ادارےکی کوتاہی سے تو یہ واقعہ پیش نہیں آیا؟