9 مئی جی ایچ کیو حملہ کیس میں بانی پی ٹی آ ئی اور شاہ محمود قریشی پر فرد جرم کی کارروائی مؤخر کردی گئی۔

انسدادد ہشتگردی (اے ٹی سی)عدالت کے جج امجد علی شاہ نے اڈیالہ جیل راولپنڈی میں کیس کی سماعت کی، بانی پی ٹی آئی کو کمرہ عدالت میں پیش کیا گیا جبکہ وائس چیئرمین پی ٹی آئی شاہ محمود قریشی کو سخت سکیورٹی حصار میں لاہور کی کوٹ لکھپت جیل سے اڈیالہ جیل لایا گیا۔

دوران سماعت بانی پی ٹی آئی کی جانب سے عدالت کے دائرہ کار کو چیلنج کر دیا گیا، وکلاء صفائی کی جانب سے عدالت میں درخواست جمع کرادی گئی کہ نسداد دہشتگردی ایکٹ کی شق 23 کے تحت جی ایچ کیو حملہ کیس کا مقدمہ اے ٹی سی عدالت کے دائرہ اختیار میں نہیں آتا کیونکہ جی ایچ کیو حملہ کیس میں دہشتگردی کا مقدمہ نہیں بنتا۔

بانی پی ٹی آئی کے  وکیل بابراعوان نے کہا ہے کہ انسداد دہشتگری ایکٹ کی دفعہ23-A کے حوالے سے درخواست دی گئی ہے۔

عدالت نے وکلا صفائی کی درخواست کل سماعت کے لیے مقرر کردی اور فریقین کل وکلا صفائی کی درخواست پر دلائل دیں گے۔

عدالتی دائرہ اختیار چیلنج ہونے کے باعث بانی پی ٹی آئی ، شاہ محمود قریشی و دیگر پر فرد جرم عائد کرنے کی کارروائی ایک بار پھر مؤخر کردی گئی، عدالت نے کیس کی مزید سماعت 5 دسمبر تک ملتوی کردی۔ 

وزیر اعظم شہباز شریف سعودی عرب کے دو روزہ دورے کے لیے کل اسلام آباد سے روانہ ہوں گے، وہ سعودی کراؤن پرنس کی دعوت پر یہ دورہ کریں گے۔

وزیر اعظم شہباز شریف سعودی ولی محمد بن سلمان سے ملاقات کریں گے، وزیر اعظم کی ولی عہد سے یہ تقریباً چھ ہفتوں میں تیسری ملاقات ہوگی، وزیراعظم کی سعودی ولی سے ملاقات اہمیت کی حامل ہوگی، خطے کی بدلتی صورتحال، ٹرمپ کا برسر اقتدار آنا سمیت دیگر اہم امور ملاقات میں زیر غور آئیں گے۔

میڈیا رپورٹس کے مطابق وزیراعظم ریاض میں منعقدہ ہونے والی واٹر سمٹ میں بھی شرکت کریں گے، وزیر اعظم ”یواین سی سی ڈی“ کی کانفرنس آف دی پارٹیز اجلاس میں شرکت کریں گے، یہ کانفرنس زمین کی بحالی کے لیے ایک عالمی پلیٹ فارم ہے اور اقوام متحدہ کے تین بڑے معاہدوں (ریو کنونشنز) میں شامل ہے۔

وزیر اعظم شہباز شریف اس دورے کے دوران اقوام متحدہ کے سیکریٹری جنرل انتونیو گوتریس اور دیگر عالمی رہنماؤں سے بھی ملاقات کریں گے۔

آلودگی کے اعتبار سے لاہور پاکستان میں پہلے نمبر پر رہا، ایئر کوالٹی انڈیکس 303 سے 533 کے درمیان ریکارڈ کیا گیا۔

فضائی آلودگی سے لوگ نزلہ، زکام، کھانسی، بخار اور مختلف بیماریوں میں مبتلا ہو رہے ہیں۔ ماہرین کے مطابق احتتاطی تدابیر پر عمل کرتے ہوئے بیماریوں سے بچا جا سکتا ہے۔

محکمہ موسمیات کے مطابق آئندہ 24 گھنٹے موسم خشک رہے گا، لاہور میں کم سے کم 10 اور زیادہ سے زیادہ 25 ڈگری سینٹی گریڈ تک درجہ حرارت ریکارڈ ہونے کا امکان ہے۔

ترجمان ادارہ ماحولیات پنجاب ساجد بشیر کے مطابق یکم مارچ 2024 سے اب تک 1091 اینٹوں کے بھٹوں اور 219 انڈسٹریل یونٹس کو مسمار کر دیا گیا۔ گزشتہ 9 ماہ کے دوران پنجاب بھر میں 1283 اینٹوں کے بھٹوں اور 1339 صنعتی یونٹس کو سیل کیا گیا۔

ماحولیات پنجاب نے سخت کریک ڈاؤن جاری رکھتے ہوئے 270 دنوں کے دوران 5566 انڈسٹریل یونٹس اور 10888 اینٹوں کے بھٹوں کو نوٹسز جاری کیا۔ پنجاب بھرمیں 566 یونٹس اور 1736 بھٹوں کے خلاف ایف آئی آرز درج ہیں۔ انڈسٹریل یونٹس اور اینٹوں کے بھٹوں کو اب تک 25 کڑور سے زائد کے جرمانے کیے جا چکے ہیں۔