عالمی و مقامی مارکیٹوں میں سونے کی قیمت میں نمایاں کمی

آل پاکستان جیمز اینڈ جیولر ایسوسی ایشن کے مطابق ملک میں سونے کی قیمتوں میں ایک بارپھر بڑی کمی ہوئی ہے، فی تولہ سونے کی قیمت ایک ہزار روپے کم ہوگئی۔

ملک میں 24 گرام سونے کی فی تولہ قیمت میں ایک ہزار روپے کی کمی کے بعد نئی قیمت 2 لاکھ 74 ہزار 700 روپے ہو گئی ہے۔

اسی طرح دس گرام سونے کی قیمت میں 857 روپے کی کمی ہوئی جس سے سونے کی نئی قیمت 2 لاکھ 35 ہزار 511 روپے ہو گئی ہے۔

عالمی مارکیٹ میں سونے کی قیمت میں 10 ڈالر کی کمی ہوئی ہے جس کے بعد سونے کی نئی قیمت 2635 ڈالر فی اونس ہو گئی ہے۔