ڈیرہ اسماعیل خان: سیکیورٹی فورسز کی کامیاب کارروائی میں 2 خارجی ہلاک ، ایک زخمی

خیبر پختونخوا کے ضلع ڈیرہ اسماعیل خان  کے علاقے کولاچی میں سیکیورٹی فورسز نےانٹیلی جنس بیسڈ  کارروائی کی جس کے نتیجے میں  2 خوارج ہلاک جبکہ ایک زخمی ہو گیا۔

پاک فوج کے شعبہ تعلقات عامہ (آئی ایس پی آر) کے مطابق  ہلاک ہونے والے دہشت گرد سیکیورٹی فورسز اور شہریوں پر حملوں میں ملوث تھے۔

 آپریشن کے دوران ہلاک دہشت گردوں سے گولیاں اور ہتھیار بھی برآمد ہوئے ہیں۔

ترجمان آئی ایس پی آر کے مطابق سیکیورٹی فورسز نے علاقے میں دیگر دہشت گردوں کی تلاش کے لیے سینٹائزڈ آپریشن شروع کر دیا ہے۔

 ترجمان نے مزید کہا کہ سیکیورٹی فورسز ملک سے دہشت گردی کے خاتمے کے لیے پرعزم ہیں۔