ٹک ٹاک پر پابندی کے لیے سپریم کورٹ میں درخواست دائر

تفصیلات کے مطابق یہ درخواست  شہری میاں علی زیب سمیت پانچ دیگر شہریوں نے دائرکی ہے ، درخواست میں وفاق پی ٹی آے ، وزارت انفارمیشن ٹیکنالوجی اور پیمرا کو فریق بنایا گیا ہے ۔

درخواست گزار نے استدعا کی ہے کہ ٹک ٹاک پر پابندی لگا کر نئی پالیسی تشکیل دی جائے اور حکومت کو غیر اخلاقی مواد روکنے کے لیے ریگولیٹری میکانزم بنانے کا حکم دیا جائے۔

متن میں شامل ہے کہ آئین کا آرٹیکل اکتیس ملک میں اسلامی طرز زندگی کی ضمانت دیتا ہے ، ٹک ٹاک سے نوجوان نسل بے راہ روی کا شکار ہورہی ہے ،

ٹک تاک کا ذریعے غیر اخلاقی اور فحش مواد پھیلایا جارہا ہے ۔ امریکہ ، بھارت ، اور بنگلہ دیش سمیت مختلف ممالک میں ٹک ٹاک پر عارضی پابندی ہے ۔

درخواستگزار کا کہناہے کہ پشاور ہائیکورٹ نے ٹک ٹاک پر پابند ی لگانے کا حکم دیا تھا ۔ ٹک ٹاک کی وجہ سے متعدد ہلاکتیں بھی ہوچکی ہیں ۔

اپیل کنندہ نے موقف اپنایا ہے کہ پاکستان میں قرآن و سنت کے منافی قانون سازی نہیں کی جاسکتی ہے