اسموگ اور فضائی آلودگی سے بچاؤ کے پیش نظرلاہور کی 96 فیصد صنعتوں میں اخراج کنٹرول سسٹم نصب

لاہور:  وزیراعلیٰ پنجاب مریم نواز کی ہدایت پرفضائی آلودگی اور اسموگ سے بچاؤ کے پیش نظر تاریخ میں پہلی بار لاہور کی 96 فیصد صنعتوں میں اخراج کنٹرول سسٹمز نصب کردیئے گئے۔
اربن یونٹ سروے  کے مطابق لاہور میں اپریل 2024 میں ائیرکلیننگ سسٹم رکھنے والی صنعتیں 43 فیصد تھیں جو ای پی اےکی کاوشوں سے دسمبر میں  96 فیصد ہو چکی ہیں۔
اس حوالے سےصوبائی محکمہ تحفظ ماحول نے مختلف شہروں میں 25 اے کیو آئی مانیٹرنگ سٹیشنز قائم کردیے جبکہ 35 سٹیشنز پرتیزی سے کام جاری ہے، 27 مارچ سے 27 دسمبر تک لاہور میں ای پی اے نے2883 انڈسٹریل یونٹس کا معائنہ کیا جن میں سے کو 860 نوٹس جاری کر کے 45.6 ملین روپےجرمانہ عائد کیا گیا،جبکہ ماحولیاتی قوانین پر عمل نہ کرنے والے 21 صنعتی یونٹس کو ای پی اے کے ذریعے سیل کردیا گیا۔
سینئرصوبائی وزیر مریم اورنگزیب نے بیان میں کہا کہ ماحولیاتی تبدیلیوں کے اثرات کم کرنے کے لیے اقدامات جاری ہیں،ان کامزید کہنا تھا کہ ماحولیاتی تبدیلیوں کے اثرات کم کرنے کے لیے اقدامات جاری ہیں، عوام اور صنعتکار حکومت کا ساتھ دیں، ماحولیاتی تحفظ کے لیے مزید اقدامات کیے جائیں گے، آلودگی کے خاتمے کے لیے صنعتی یونٹس کی مانیٹرنگ سخت کی گئی،تمام صنعتوں کو اخراج کنٹرول سسٹمز کی تنصیب کا وقت دیاگیا ہے۔
مریم اورنگزیب نے کہا کہ ماحولیاتی تحفظ کے لیے عوامی آگاہی مہم بھی جاری ہے، صنعتوں کو ماحول دوست ٹیکنالوجی کے لیے مالی معاونت فراہم کر رہے ہیں، خلاف ورزی کرنے والے یونٹس کو دوبارہ کھولنے کے لیے ماحولیاتی قوانین پر عمل کرنا ہوگا، انہوں نے مزید کہا کہ ماحولیاتی آلودگی کے خاتمےکیلئے نجی شعبےکا تعاون بھی حاصل کر رہے ہیں۔