انگلینڈ نے بھارت کوہوم گراؤنڈ پر 227 رنز سے شکست دے دی

تفصیلات کے مطابق  انگلینڈ کوپہلے ٹیسٹ میچ میں دو سو ستائیس رنز کے بڑے فرق سے کامیابی ملی، بھارتی ٹیم  چار سو بیس رنز کے تعاقب میں صرف ایک سو بانوے رنز بنا کر پویلین لوٹ گئی۔  روہیت شرما، اجنکیا رہانے،  ریشاب پانت سب ناکام رہے۔ کپتان کوہلی کی نصف سنچری بھی ٹیم کو ہار سے نہ بچا سکی۔

 انگلینڈ کی طرف سے جیک لیچ نے دوسری اننگز میں چار وکٹیں لیں،، جیمز اینڈرسن نے بھی تین شکار کیے۔ پہلی اننگز میں ڈبل سنچری داغنے والے جو روٹ پلیئر آف دی میچ رہے۔