ملتان ٹیسٹ:پاکستان کے خلاف ویسٹ انڈیز کے اسپنر نے تاریخ رقم کر دی

ملتان:پاکستان کے خلاف ویسٹ انڈیز کے اسپنر جومل واریکن نے شاندار باؤلنگ کا مظاہرہ کرتے ہوئےتاریخ رقم کر دی ،پہلے ٹیسٹ کے تیسرے روز انہوں نے 7 پاکستانی کھلاڑیوں کو آؤٹ کر کے قومی ٹیم کے بیٹنگ لائن اپ کو تہس نہس کردیا۔
ملتان میں کھیلے جار ہےپہلے ٹیسٹ میچ کی دوسری اننگز میں جومل واریکن نے 7 پاکستان کھلاڑیوں کو آؤٹ کیا جس میں بابراعظم، محمد ہریرہ، کامران غلام، سعود شکیل، محمد رضوان، نعمان علی اور ساجد خان کی وکٹیں شامل تھیں۔
 جومل واریکن ویسٹ انڈیز کے پہلے بالر بن گئے ہیں جنہوں نے پاکستان میں 5 یا اس سے زائد وکٹیں حاصل کی ہوں اس سے قبل کسی بھی ویسٹ انڈین کھلاڑی نے اتنی وکٹیں حاصل نہیں کیں۔ 
 ملتان ٹیسٹ کے تیسرے دن پاکستان ٹیم دوسری اننگز میں ویسٹ انڈیز کے خلاف 157 رنز بنا کر آؤٹ ہوگئی جس کے بعد مہمان ٹیم کو جیت کے لیے 251 رنز کا ہدف ملا ہے۔
ہدف کے تعاقب میں ویسٹ انڈیز کی بیٹنگ لائن ایک دفعہ پھر لڑکھڑا گئی ہے اب سے کچھ دیر قبل تک 92رنز کے مجموعی اسکور پر کالی آندھی کی آدھی ٹیم پویلین لوٹ چکی ہے، اور ان کو جیت کے لیے مزید159 رنز درکار ہے۔