آئی سی سی نے مینز ٹیسٹ کرکٹر آف دی ایئر کا اعلان کر دیا

دبئی:عالمی کرکٹ کونسل(آئی سی سی ) نےسال 2024 کے مینز ٹیسٹ کرکٹر آف دی ایئر کا اعلان کر دیا۔
 آئی سی سی مینز ٹیسٹ کرکٹرآف دی ایئر کا ایوارڈ بھارتی کرکٹ ٹیم کے فاسٹ بولر جسپریت بمراہ نےجیت لیا۔
 سری لنکا کے کمیندو مینڈس انٹرنیشنل کرکٹ کونسل (آئی سی سی) کی جانب سے مینز ایمرجنگ کرکٹر آف دی ایئر قرار پائے ہیں۔
آئی سی سی مینز ایمرجنگ کرکٹر آف دی ایئر ایوارڈ کے لیے پاکستانی کرکٹر صائم ایوب، انگلینڈ کے فاسٹ بولر گس اٹکنسن، سری لنکا کے کمیندو مینڈس اور ویسٹ انڈیز کے شمر جوزف نامزد ہوئے تھے۔
سری لنکا کے کمیندو مینڈس نے 2024 میں تمام فارمیٹ میں مجموعی طور پر 32 میچز میں 1451 رنز اسکور کیے۔
26 سالہ کمیندو مینڈس نے 2024 میں صرف 9 ٹیسٹ میچز میں 5 سنچریوں کی بدولت 1049 رنز بنائے، ان کا سب سے بہترین اسکور 182 رنز ناٹ آؤٹ رہا۔