صبا قمر مکمل صحت یاب ہوگئیں، جشن ریختہ میں شرکت کی تصاویر وائرل

صبا قمر کی دبئی میں ہونے والے ’جشن ریختہ‘ میں شرکت کی ویڈیوز وائرل ہوگئیں، جن میں انہیں مکمل صحت یابی میں دیکھا جا سکتا ہے۔

واضح رہے کہ گزشتہ ہفتے شدید ڈائریا کا شکار ہونے والی اداکارہ صبا قمر مکمل صحت یاب ہوگئیں ہیں ، جس کے بعد وہ متحدہ عرب امارات (یو اے ای) میں ہونے والے ادب فیسٹیول میں شرکت کے لیے جا پہنچیں۔

صبا قمر کا کہنا تھا کہ جس طرح امتیاز علی کی فلموں میں نامکمل جذبات، روح اور محبت کو دکھایا جاتا ہے، اسی طرح ان کی زندگی بھی ادھورے پن شکار ہے۔

اداکارہ نے ’جشن ریختہ‘ کے ایک سیشن میں بطور مہمان بھی شرکت کی اور انہوں نے اپنے شوبز کیریئر پر بھی کھل کر بات کی۔

سیشن کے دوران انہوں نے اپنی زندگی کو بھارتی فلم ساز امتیاز علی کی فلموں کی طرح نامکمل قرار دیا اور کہا کہ امتیاز علی کی فلموں کی طرح ان کی زندگی بھی کبھی مکمل نہیں ہوتی۔

اداکارہ نے بات کرتے ہوئے کہا کہ اب انہیں لگتا ہے کہ ادھورے پن کا بھی اپنا ہی مزہ ہے، خواہشات کا مکمل ہونا یا مل جانا، خواہشات کو مار دیتا ہے، اس لیے اب انہیں لگتا ہے کہ ادھورہ پن ہی زندگی ہے۔