پشاورکےارباب نیاز کرکٹ اسٹیڈیم میں 19 سال بعد میچ کروانے پر غور

پشاور:ارباب نیاز کرکٹ اسٹیڈیم میں 20 سال بعد کرکٹ میچ کروانے پر غور کیا جا رہا ہے۔
پاکستان کرکٹ بورڈ (پی سی بی) کی جانب سے اپریل میں پاکستان سپر لیگ (پی ایس ایل) کے دو میچز پشاور میں کروانے پر غور کیا جا رہا ہے،پی ایس ایل میچ کروانے کیلئے آئی سی سی کی ٹیم نے ارباب نیاز اسٹیڈیم کا دورہ کیا۔
 پولیس حکام کے مطابق آئی سی سی کی ٹیم نے غیرملکی کھلاڑیوں کے لئے گراؤنڈ، پویلین، ایریا روٹ اور ہوٹل روٹ کا سروے کیا۔
آئی سی سی ٹیم کو پشاور پولیس چیف نے سکیورٹی صورت حال پر بریفنگ دی، عوام کی سہولت کے لیے شٹل سروس، ڈرون کیمروں سے مانیٹرنگ اور اسٹیڈیم کے قریب ہیلی پیڈ بنانے کی تجویز بھی زیر غور ہے۔
حکام کا یہ بھی کہنا ہے کہ غیر ملکی کھلاڑیوں کی سیکیورٹی کے لیے تسلی بخش انتظامات کیے جائیں گے۔
خیال رہے کہ پشاور کے ارباب نیاز اسٹیڈیم میں آخری میچ 2006ء میں پاکستان اور بھارت کے مابین کھیلا گیا تھا۔