رجب بٹ کا حرا مانی کے ساتھ نیا گانا سوشل میڈیا پر وائرل ہو گیا،چند ہی گھنٹوں میں لاکھوں ویوز حاصل کر لیے

پاکستان شوبز انڈسٹری کی معروف اداکارہ حرا مانی اور معروف یو ٹیوبر رجب بٹ کی نئی میوزک ویڈیو’اوور یو‘ ریلیز ہو گئی ہے جس نے ریلیز ہوتے ہی دھوم مچا دی ہے۔
اس گانے کو حمزہ ملک نے گایا ہے اور اسے محض چند ہی گھنٹوں میں یوٹیوب پر ڈھائی لاکھ سے زائد ویوز مل چکے ہیں اور ویوز کی تعدار مسلسل بڑھتی جارہی ہے۔
دونوں کے گانے کے پوسٹر کو ایک ہفتہ قبل ہی ریلیز کیا گیا تھا جب کہ دونوں کی شوٹنگ کے دوران بنائی گئی ویڈیوز بھی وائرل ہوئی تھیں۔
گانے کو 5 فروری کی رات کو یوٹیوب پر ریلیز کیا گیا، جس کی ویڈیو وائرل ہوگئی جب کہ گانا یوٹیوب میوزک پر بھی ٹاپ ٹرینڈ پر آگیا۔
اس گانے میںدرجب بٹ اور گلوکار حمزہ ملک ایک گینگسٹر کے طور پر کام کر تے ہوئے دکھایا گیا ہے، جبکہ حرا مانی کو بطور ڈانسر دکھایا گیا ہے جنہیں رجب بٹ نقصان پہنچانے کی کوشش کرتے ہیں۔
گانے کی ویڈیو میں حرا مانی کو بطور ڈانسر دکھایا گیا ہے جو کہ رجب بٹ اور حمزہ ملک کے سامنے رقص کرکے انہیں محظوظ کرتی دکھائی دیتی ہیں،میوزک ویڈیو میں دوستی کی کہانی بھی دکھائی گئی ہے۔
 گانے کے ریلیز ہونے سے قبل ہی اس گانے کے چرچے ہونا شروع ہوگئے تھے، اس گانے کو ابتدائی چند گھنٹوں میں ہی 26 لاکھ سے زائد بار دیکھا گیا تھا جب کہ گانے کی ویڈیوز کو سوشل میڈیا پر بھی خوب شیئر کیا گیا۔
دوسری جانب ’اوور یو‘ ریلیز ہونے سے رجب بٹ ایک ماڈل بھی بن چکے ہیں ، جن کا شمار پاکستان کے سب سے مقبول ترین یوٹیوبرز میں ہوتا ہے، انہیں گوگل نے 2024 میں پاکستان کے سب سے مقبول ترین یوٹیوبرز کی فہرست میں پہلے نمبر پر رکھا تھا۔