باجوڑ : پولیو ٹیم کے ہمراہ پولیس اہلکار کو نامعلوم افراد نے فائرنگ کر کے شہید کر دیا

 باجوڑ میں شہید ہونے والے پولیس اہلکار کی نماز جنازہ لیوی لائن میں ادا کردی گئی ۔

تفصیلات کے مطابق باجوڑ کی تحصیل مامومند میں پولیو مہم کے دورا ن نامعلوم افراد نے فائرنگ کر کے پولیس اہلکار کو شہید کر دیا ، شہید ہونے والے پولیس اہلکار کی نماز جنازہ لیوی لائن باجوڑ میں ادا کردی گئی ۔

نماز جنازہ میں کمانڈنٹ باجوڑ سکائوٹس بریگیڈیئر سعد سمیت اعلیٰ سول و عسکری حکام، پولیس افسران اور اہلکاروں سمیت بڑی تعداد میں شہریوں نے شرکت کی ۔
اس موقع پر شہید کے جسد خاکے کو سلامی بھی پیش کی گئی۔