وزیر صحت پنجاب ڈاکٹر یاسمین راشد نے بیرون ملک جانے والوں کو خوشخبری سنا دی

تفصیلات کے مطابق وزیر صحت پنجاب ڈاکٹر یاسمین راشد کا کہنا ہے کہ بیرون ملک جانے والے افراد کے لیے فائزر ویکسین دستیاب ہے ، سعودیہ عرب اور مڈل ایسٹ کے دوسرے ممالک میں جانے والے افردکو بھی فائزرویکسین لگائی جائے گی۔ان کا مزید کہنا تھا کہ  ورکنگ ویزہ اور متعلقہ درکار تمام کوائف کے حامل افراد کو فائزر ویکسین لگانے کا آغاز کر دیا گیا ہے۔

بیرون ملک جانے والے افراد کے لیے  فائزر ویکسین لاہورکے  میوہسپتال ، راولپنڈی کے ہولی فیملی ہسپتال،ملتان کے نشترہسپتال اور فیصل آبادکے الائیڈ ہسپتال میں دستیاب ہے ۔

ڈاکٹر یاسمین راشد کا کہنا تھا کہ پنجاب کے ان  سرکاری ہسپتالوں میں فائزر ویکسین کی وافرخوراکیں پہنچادی گئی ہیں.