چیمپیئنز ٹرافی:جنوبی افریقہ نے انگلینڈ کو 7 وکٹوں سے شکست دے دی

کراچی: آئی سی سی چیمپیئنز ٹرافی کے گیارہویں میچ میں انگلینڈ نے جنوبی افریقہ کے خلاف ٹاس جیت کر پہلے بیٹنگ کا فیصلہ کیا ہے۔
دونوں ٹیموں کے درمیان میچ کراچی کے نیشنل اسٹیڈیم میں کھیلا جارہا ہے اور یہ گروپ اسٹیج میں ان دونوں ٹیموں کا آخری میچ بھی ہے۔
انگلینڈ کی بڑی فتح افغانستان کو سیمی فائنل میں پہنچا دے گی
دوسری جانب جنوبی افریقہ کی ٹیم ایک میچ جیت چکی ہے جبکہ دوسرا میچ بارش کی نذر ہو گیا تھا۔
 انگلینڈ کو اپنےابتدائی دونوں میچوںراویتی حریف آسٹریلیا اور افغانستان کے ہاتھوں شکست کا سامنا کرنا پڑا۔
کل جمعہ کوقدافی اسٹیڈیم لاہور میں افغانستا ن اور آسٹریلیا کے مابین کھیلا جانے والا میچ بارش کی وجہ سے منسوخ ہو گیا تھا جس کے بعد آسٹریلوی ٹیم سیمی فائنل میں پہنچ گئی لیکن افغان ٹیم کیلئے راستہ انتہائی مشکل ہوگیا ہے۔
اگر آج انگلینڈ جو کہ پہلے ہی ٹرافی کی دوڑ سے باہر ہوگیا وہ جنوبی افریقا کو بڑے مارجن سے ہرائے تو افغانستان کی سیمی فائنل تک رسائی ممکن ہوسکتی ہے۔

چیمپیئنز ٹرافی کے گروپ ’بی‘ کے اہم میچ میں جنوبی افریقہ کے خلاف انگلینڈ کی ٹیم 179 رنز بنا کر آؤٹ ہو گئی، اور پروٹیز کو جیت کے لیے 180 رنز کا ہدف دیا۔

نیشنل بینک اسٹیڈیم کراچی میں کھیلے جارہے میچ میں انگلش کپتان جوز بٹلر نے ٹاس جیت کر بیٹنگ کا فیصلہ کیا، جو ناکام ثابت ہوا۔

چیمپیئنز ٹرافی کے اہم میچ میں جنوبی افریقہ نے انگلینڈ کو بآسانی 7 وکٹوں سے شکست دے دی اور گروپ ’بی‘ میں پہلی پوزیشن پر پہنچ گیا۔

نیشنل بینک اسٹیڈیم کراچی میں کھیلے گئے میچ جنوبی افریقہ کے خلاف انگلینڈ رواں ایونٹ میں سب سے کم 179 رنز پر آل آؤٹ ہوئی اور پروٹیز کو جیت کے لیے 180 رنز کا ہدف دیا، جو اس نے 30ویں اوور میں 3 وکٹوں کے نقصان پر حاصل کر لیا۔