لاہور:ٹریفک وارڈن کا معذور رکشہ ڈرائیور پر بدترین تشدد، ویڈیو وائرل

لاہور میں ٹریفک وارڈن کی جانب سے معذور رکشہ ڈرائیور پر مبینہ تشدد کی ویڈیو سامنے آئی ہے، جس میں ٹریفک وارڈن رکشہ ڈرائیور کو تھپڑ مارتے اور بدتمیزی کرتے ہوئے دیکھا جا سکتا ہے۔
ویڈیو میں ٹریفک وارڈن کو تشدد کرتے ہوئے دیکھا جا سکتا ہے، معذور رکشہ ڈرائیور ٹریفک وارڈن کو بتاتا ہے کہ میں معذور ہوں، معذوری کی حالت میں اپنے بچوں کو حلال رزق کما رہا ہوں،
تاہم ٹریفک وارڈن نے اس کی ایک نہ سنی اور بدترین تشدد کا نشانہ بنایا،مقامی لوگوں نے اکھٹے ہو کر رکشہ ڈرائیور کی جان چھڑوائی۔
 اہل علاقہ کا کہنا ہے کہ ٹریفک وارڈنز صرف چالان کرنے میں سرگرم رہتے ہیں لیکن ٹریفک کی روانی بہتر بنانے کے لیے کوئی عملی اقدامات نہیں کرتے۔
علاقہ مکینوں نے الزام عائد کیا کہ ٹریفک وارڈنز کی شہریوں سے بدتمیزی اور ہاتھا پائی معمول بن چکی ہے، اور حکام کو اس واقعے کا نوٹس لینا چاہیے۔