وفاق کے بعد پنجاب کابینہ میں بھی توسیع کا فیصلہ، نئے وزرا کے نام سامنے آگئے

لاہور: وفاقی حکومت کے بعد پنجاب صوبائی حکومت کی جانب سے بھی کابینہ میں توسیع کرنے کا فیصلہ کیا گیا ہے۔
وزیر اعلی پنجاب مریم نواز نے صوبائی کابینہ میں توسیع کی منظوری دے دی۔
پاکستان مسلم لیگ ن پارٹی ذرائع کے مطابق پنجاب کی صوبائی کابینہ میں ایک درجن نئے وزراء کی شمولیت کا فیصلہ کیا گیا ہے،پارٹی سربرانواز شریف کی جانب سے ارکان اسمبلی کے ناموں کی منظوری دے دی گئی ہے۔
پارٹی ذرائع کے مطابق صوبائی کابینہ میں شامل ہونے والے 12 ارکان اسمبلی شارٹ لسٹ کر لئے گئے، پنجاب کابینہ کے نئے ارکان سینئر اور جونئیر ارکان اسمبلی پر مشتمل ہوں گے۔
 بیگم ذکیہ شاہنواز، رانا محمد اقبال، منشاء اللہ بٹ صوبائی کابینہ کےلیے شارٹ لسٹ کیے گئے ارکان اسمبلی شامل ہیں۔ 
 کرنل ریٹائرڈ ایوب گادھی، سلمان نعیم، رانا طاہر اقبال، افتخار حسین چھچھڑ، رانا محمد ارشد، ملک اسد علی کھوکھر، میاں عمران جاوید اور اسامہ خان لغاری شارٹ لسٹ کئے گئے ناموں میں شامل ہیں۔
ان کے علاوہ آئی پی پی سے شعیب صدیقی کا بھی شارٹ لسٹ کر لیا گیا، پارٹی ذرائع کا کہنا ہے کہ پنجاب کابینہ کے نئے اراکین کی حلف برداری رواں ہفتے ہی متوقع ہے۔