کریمینل ریکارڈ یافتہ 134 پولیس ملازمین نوکری سے فارغ

تفصیلات کے مطابق  آئی جی پنجاب نے  پولیس سے کالی بھیڑیں باہر نکالنے کا عزم  کرتے ہوئے  کریمینل ریکارڈ یافتہ 134 پولیس ملازمین کو نوکری سے برخاست کردیا  ہے۔ڈی آئی جی انویسٹی گیشن شارق جمال نے نوٹیفکیشن جاری کردیا گیا ہے۔

نوٹیفکیشن کے مطابق  فارغ ہونے والوں میں سب انسپکٹر، اے ایس آئیز، ہیڈ کانسٹیبلز اور کانسٹیبلز شامل ہیں۔برخاست کیے جانے والوں کو پانچ سے زائد  بڑی  سزائیں دی جا چکی ہیں۔

آئی جی پنجاب کا کہنا ہے کہ کسی  کرپٹ اور اختیارات سے تجاوز کرنے والے افسر کو پولیس میں نہیں رکھا جائے گا۔