فراڈکیس میں ملوث نادیہ حسین کے شوہر کے جسمانی ریمانڈ میں 5 روز کی توسیع

کراچی :کروڑوں روپے کی مبینہ خورد بردکے مقدمے میں بینک الفلاح سیکورٹیز کے سابق سی ای او اور معروف پاکستانی ماڈل نادیہ حسین کے شوہر عاطف محمد خان کے جسمانی ریمانڈ میں 5 دن کی توسیع کردی گئی۔
تفصیلات کے مطابق 54 کروڑ روپے کی خورد برد کےالزام میں گرفتار عاطف محمد خان کے جسمانی ریمانڈ میں عدالت نے 5 روز کی توسیع کر دی۔
کراچی میں جوڈیشل مجسٹریٹ کی عدالت کے روبرو کروڑوں روپے کے فراڈ کرنے کے مقدمے میں ایف آئی اے نے اداکارہ نادیہ حسین کے شوہر عاطف خان کو ریمانڈ مکمل ہونے پر پیش کیا۔
دوران سماعت ایف آئی اے نے ملزم کے 11 روزہ جسمانی ریمانڈ کی استدعا کی، عدالت نے ملزم کے جسمانی ریمانڈ میں پانچ روز کی توسیع کردی، عدالت نے آئندہ سماعت پر تفتیشی افسر سے پیشرفت رپورٹ طلب کرلی۔
تفتیشی افسر کے مطابق فراڈ میں ملوث مزید لوگوں کو گرفتار کرنا ہے۔
خیال رہے کہ کچھ روز قبل ایف آئی اے نے ڈیفنس فیز6 میں شوبز اداکارہ نادیہ حسین کے گھر چھاپہ مارتے ہوئے54کروڑسے زائد رقم کی الزام میں ملزم عاطف محمد خان کو گرفتار کیا۔