یوروکپ : اٹلی اسپین کو شکست دے کر فائنل میں پہنچ گیا

تفصیلات کے مطابق لندن میں کھیلے گئے پہلے سیمی فائنل میں دونوں ٹیموں کے درمیان دلچسپ مقابلہ ہوا، ایک دوسرے کے گول پر کئی بار وار کیا گیا  مگر پہلے ہاف میں کوئی ٹیم گول نہ کرسکی۔ دوسرے ہاف کے15ویں  منٹ میں اٹلی کی جانب سے بیرارڈی نے گول اسکور کیا، کھیل ختم ہونے سے دس منٹ قبل اسپین کے موراٹا نے گیند کو حریف ٹیم کے جال میں پہنچا کر مقابلہ برابر کردیا۔ مقررہ وقت میں اور پھر اضافی وقت میں مقابلہ برابر رہا، میچ  میں فیصلہ پنالٹی ککس  کی بنیاد پر ہوا ا جس میں اٹلی نے چار اور اسپین نے دو گول اسکور کیے، یوں اٹلی کی ٹیم ایونٹ کے فائنل میں  جگہ بنانے میں کامیاب ہوگئی ۔

یورو کپ کا دوسرا سیمی فائنل آج انگلینڈ اور ڈنمارک کے درمیان کھیلا جائے گا جبکہ فائنل میچ  اتوار کو کھیلا جائے  گا۔