مریم نواز کی امریکی وفد سے ملاقات،صوبے میں سرمایہ کاری کی دعوت

لاہور: وزیر اعلیٰ پنجاب مریم نواز شریف نے امریکی وفدسے ملاقات کی اور ان کو صوبے میں سرمایہ کاری کی دعوت دی۔
تفصیلات کے مطابق وزیر اعلیٰ پنجاب مریم نواز سے امریکی کانگریس کے وفد نے ملاقات کی۔
ملاقات کرنے والوں میں کانگریس مین ٹام سوزی، جوناتھن جیکسن، پولیٹیکل آفیسر نکھل ہاکن، قائم مقام امریکی سفیر نتالی بیکر اور قونصل جنرل کرسٹن ہاکنز شامل تھے۔
دوران ملاقات پنجاب میں سرمایہ کاری اور معاشی ترقی کے لیے دوطرفہ تعاون کے فروغ کا عزم کیا گیا، جبکہ پاک امریکہ تعلقات، تجارت، سرمایہ کاری اور باہمی روابط کے فروغ پر تبادلہ خیال کیا گیا۔
اس موقع پر وزیر اعلیٰ پنجاب مریم نواز نے امریکی وفد کو پنجاب میں سرمایہ کاری کی دعوت دیتے ہوئے کہا کہ پنجاب میں غیر ملکی اداروں کی سرمایہ کاری کو مزید وسعت دینے کے خواہاں ہیں۔
وزیراعلیٰ پنجاب مریم نواز نے کہا ہے کہ غیر ملکی اداروں کی سرمایہ کاری کو مزید وسعت دینے کے خواہاں ہیں، انفارمیشن ٹیکنالوجی کے شعبے میں پاک امریکہ تعاون کے نئے باب کا آغاز ہو چکا ہے، پاک امریکہ تعلقات کو بڑی قدر کی نگاہ سے دیکھتے ہیں، پاک امریکہ پارٹنرشپ میں مزید وسعت کی گنجائش موجود ہے۔
مریم نواز نے کہا کہ غیر ملکی سرمایہ کاری کے فروغ کے لیے خصوصی اقدامات کر رہے ہیں۔