عید الاضحی پر سرکاری ملازمین کو تنخواہیں اور پنشن پیشگی ادا کرنے کا فیصلہ

تفصیلات کے مطابق محکمہ خزانہ کی جانب سے  جاری اعلامیہ  میں کہا گیا ہے کہ   عید الاضحی پر سرکاری ملازمین کو تنخواہیں اور پنشن پیشگی ادا کرنے کا فیصلہ کیا گیا ہے۔

محکمہ خزانہ کیجانب  سے  جاری اعلامیہ میں کہا گیا ہے کہ  صوبے کے تمام مسلمان سرکاری ملازمین کو تنخواہیں 15 جولائی کو جاری کرنے کے انتظامات کیے جائیں۔ پنشنرز کو بھی عید سے 5 دن قبل پنشن کی ادائیگی یقینی بنائی جائے۔

گزشتہ روز   وزیر اعظم  عمران خان نے تنخواہ عید سے پہلے جاری کرنے کی ہدایت کردی تھی۔وزارت خزانہ تنخواہیں جاری کرنے کے لیے متحرک ہوگیا تھا۔

ذرائع کے مطابق  سرکاری ملازمین کو تنخواہیں 16 جولائی تک جاری ہوں گی،اس حوالے سے اے جی پی آر کو خصوصی ہدایات جاری کردی گئیں  تھیں  ۔

ذرائع وزارت خزانہ کا کہنا تھا  کہ   عید الاضحی کے پہلے تنخواہ جاری کی جائے گی، اس سلسلے میں نوٹی فیکشن جلد جاری ہوگا۔

چند دن قبل  محکمہ موسمیات کی جانب سے جاری بیان میں کہا گیا تھا  کہ ذی الحج 1442ھ کے نئے چاند کی پیدائش پاکستانی وقت کے مطابق 6 بج کر 18 منٹ پر 10 تاریخ کو ہوگی۔اس لئے 29 ذیقعد بروز ہفتہ مورخہ 10 جولائی کو چاند نظر آنے کا امکان نہیں ہے، یکم ذی الحج 12 جولائی 2021ء کو ہوسکتی ہے۔