ڈی پی او جہلم طارق عزیز سندھو کا چوکی سٹی دینہ میں کھلی کچہری کا انعقاد

ڈی پی او جہلم طارق عزیز سندھو نے چوکی سٹی دینہ میں کھلی کچہری کا انعقاد کیا۔

کھلی کچہری کے موقع پر ڈی پی او جہلم طارق عزیز سندھو کا کہنا تھا کہ کھلی کچہریوں میں پولیس افسران عوام کے سامنے جوابدہ ہوتے ہیں،سائلین کے مسائل فوری طور پر حل کر کے داد رسی کی جائے گی۔

کھلی کچہری میں طارق عزیز سندھو نے شہریوں کی درخواستوں کی سماعت کی اور  متعقلہ افسران کو سائلین کے مسائل ترجیحی بنیادوں پر حل کرنے کے احکامات  بھی جاری کئے گئے۔

ڈسٹرکٹ پولیس آفیسر جہلم  نے مزید کہا کہ کھلی کچہریوں میں پیش ہونے والے شہریوں کی درخواستوں کا ریکارڈ آن لائن سافٹ ویئر کمپلینٹ مینجمنٹ سسٹم پر رکھا جاتا ہے اور مقرر کردہ ٹائم لائن پر ان درخواستوں کے بارے میں متعلقہ افسران سے فالو اپ لیا جاتا ہے اور متعلقہ افسران کی جانب سے کاروائی کو ہر ممکن یقینی بنایا جاتا ہے۔