ڈی پی او جہلم کی زیر صدارت ڈی ایس پی پیزکی میٹنگ ، اردرل روم کا بھی انعقاد

ڈسٹرکٹ پولیس آفیسر جہلم طارق عزیز سندھو کی زیرِ صدارت ڈی پی او آفس جہلم میں ڈی ایس پی پیز ضلع ہذا کے ساتھ میٹنگ کا انعقاد کیا گیا ۔

میٹنگ میں ڈی ایس پی سی سی ڈی، اسپیشل برانچ، ٹریفک پولیس،ڈی ایس پی سٹی ،صدر،سوہاوہ،پنڈ دادنخان اور ڈی ایس پی ہیڈ کوارٹرزکی شرکت،میٹنگ میں انچارج برانچز ڈی پی او آفس بھی شریک ہو ئے ۔ 

ڈی پی او جہلم طارق عزیز سندھو نے کہا کہ سنگین نوعیت کے مقدمات میں سراغ رسانی ،گرفتاری ملزمان اور برآمدگی مالمسروقہ کو یقینی بنایا جائے۔

انہوں نے کہا کہ خواتین،بچوں اور معاشرے کے دیگر کمزور طبقات کے مسائل ترجیحی بنیادوں پرحل کیے جائیں،ایسے کسی بھی واقعہ کے رپورٹ ہونے کی صورت میں متعلقہ ایس ڈی پی اوز اور ایس ایچ اوز بروقت موقع پر پہنچیں ۔ 

محکمانہ احتساب کے لیےخود کو تیار رکھیں، طارق عزیز سندھو نے واضح کیا کہ  کرپشن اور شہریوں سے بد سلوکی پر زیرو ٹالرنس پالیسی پر عمل درآمد کیا جائےگا ۔ 

ڈی پی او جہلم طارق عزیز سندھو نے کہا کہ شہریوں کو انصاف کی فراہمی،میرٹ پر تفتیش، مقدمات کی بروقت پیکسوئی اور پبلک سروس ڈیلیوری کے اعلی معیار سے ہی جہلم پولیس ایک بہترین پولیس کہلانے کے لائق ہو سکتی ہے ۔ 

ڈی پی او جہلم کی جانب سے اردل روم کا بھی انعقاد : 

ڈی پی او جہلم طارق عزیز سندھو نے ڈی پی او آفس جہلم میں اردل روم کا بھی انعقاد کیا ۔ 

اردل روم میں کل 21 پولیس افسران و اہلکاران پیش ہوئے جن میں 11 پولیس افسران نے بذریعہ وڈیولنک شرکت کی،ڈی پی او جہلم نے اردل روم میں پیش ہونے والے پولیس افسران و اہلکاران کے موقف سنے اور بمطابق میرٹ احکامات بھی جاری کئے گئے ۔ 

شوکاز نوٹسز کے فیصلے سناتے ہوئے ڈی پی او جہلم نے پولیس افسران و اہلکاران کو فرائض میں غفلت کرنے پر سروس ضبطگی، تنخواہ کٹوتی اور وارننگ کی سزائیں سنائیں۔ 

ڈی پی او جہلم نے اردل روم میں پیش ہونے والے افسران و اہلکاران کو احسن طریقہ سے فرائض کو انجام دینے کی ہدایت کی ، انہوں نے کہا کہ پولیس افسران اپنے پیشہ وارانہ امور کی ادائیگی ایمانداری اور فرض شناسی سے کریں۔ 

 ڈسٹرکٹ پولیس آفیسر جہلم طارق عزیز سندھو نے کہا کہ بہترین نظم و ضبط اور تربیت کا اعلیٰ معیار ہی اچھے پولیس افسر کی ضمانت ہے، نااہل، کام چور اور بددیانت اہلکاروں کی محکمہ میں کوئی گنجائش نہیں ۔