پاکستان کرکٹ ٹیم کی قوم اور پوری امت مسلمہ کو عید کی دلی مبارکباد

پاکستان کرکٹ ٹیم کے اسٹارز نے قوم اور پوری امت مسلمہ کو عید کی دلی مبارک باد دیتے ہوئے کہا کہ اللہ پاک سب کی قربانی کو قبول فرمائے۔

پاکستان کرکٹ بورڈ (پی سی بی) کی جانب سے سوشل میڈیا پر جاری کی گئی ویڈیو میں قومی ٹی20 ٹیم کے کپتان سلمان علی آغا کا کہنا تھا کہ جہاں جہاں پاکستانی موجود ہیں، ان سمیت پوری امت مسلمہ کو عید الاضحیٰ مبارک ہو، امید کرتا ہوں آپ کی یہ عید بہترین جائے گی۔

قومی ون ڈے ٹیم کے کپتان محمد رضوان نے اپنے ویڈیو پیغام میں پوری قوم کو عید کی مبارکباد دی۔ آل راؤنڈر فہیم اشرف کا کہنا تھا کہ میری طرف سے اور پوری پاکستانی ٹیم کی جانب سے آپ لوگوں کو عید مبارک ہو، اس عید پر اپنے ارد گرد کے لوگوں کا بہت خیال رکھیں۔

Get ready for laughs and good vibes 🤩@iamharis63 hosts a fun-filled Eid show with @SalmanAliAgha1, @iFaheemAshraf, @SaimAyub7 & @RealSahibzada! 💫

🎥 𝑾𝑨𝑻𝑪𝑯 𝑺𝑯𝑶𝑾 𝑯𝑬𝑹𝑬 ➡️ https://t.co/iasUNbOsoU#EidAlAdha pic.twitter.com/YWfU38hinZ

— Pakistan Cricket (@TheRealPCB) June 7, 2025

فاسٹ باؤلر شاہین شاہ آفریدی نے کہا کہ میری، میری فیملی اور قومی ٹیم کی جانب سے آپ سب کو عید مبارک، اپنا بھی خیال رکھیں اور رشتے داروں کا بھی خیال رکھیں۔

قومی ٹیم کے اوپننگ بلے باز صائم ایوب نے قوم کو عید کی مبارکباد دیتے ہوئے اپنے پیغام میں کہا ’اس دن کو خوب انجوائے کریں اور جو لوگ پاکستان سے باہر اور خاص طور پر فیملی سے دور ہیں وہ بھی اس عید کو انجوائے کریں۔

وکٹ کیپر بلے باز محمد حارث کا اپنے پیغام میں کہنا تھا ’اللہ پاک تمام مسلمانوں کی قربانی قبول فرمائے اور جن لوگوں نے امسال قربانی نہیں کی آپ ان سب کا اور خاص طور پر اپنے رشتہ داروں کا بہت خیال رکھیں۔

صاحبزادہ فرحان کا کہنا تھا کہ میری طرف سے سب کو عید بہت بہت مبارک ہو، امت مسلمہ اس دن کو خوب انجوائے کرے اور قربانی کریں اور دوسروں کا خیال رکھیں۔

قومی آل راؤنڈر عامر جمال نے بھی عید کی مبارکباد دی، ان کا کہنا تھا کہ عید کے موقع پر خود بھی خوش رہیں اور یقینی بنائیں آپ کے ارد گرد کے لوگ بھی آپ سے خوش ہوں۔

لیف آرم اسپنر صفیان مقیم کا کہنا تھا ’میری طرف اور پوری ٹیم کی طرف سے عید الاضحیٰ بہت بہت مبارک ہو۔