ٹرمپ انتظامیہ کی اربوں ڈالر کے بدلے ایران کو جوہری پروگرام چھوڑنے کی پیشکش

واشنگٹن ڈی سی:ٹرمپ انتظامیہ نے اربوں ڈالر کے بدلے ایران کو جوہری پروگرام ترک کرنے کی پیشکش کر دی۔

تفصیلات کے مطابق امرکی نشریاتی ادارہ سی این این ٹرمپ انتظامیہ کا نیا منصوبہ سامنے لے آیا،جس میں کہا گیا ہے کہ ایران کو 30 ارب ڈالر کے بدلے اقتصادی پابندیاں ختم کرنے کی پیش کش کی جاسکتی ہے۔

سی این این کے مطابق نیٹو اجلاس کے موقع پرٹرمپ نے کہا تھا کہ اگلے ہفتے ایران سے بات ہوگی، معاہدے پر دستخط بھی ہوسکتے ہیں تاہم ایرانی وزیرخارجہ عباس عراقچی نے امریکا سے مذاکرات کی تردید کردی۔

رپورٹ کے مطابق ٹرمپ کے ایلچی برائے مشرق وسطیٰ اسٹیو وٹکوف ایران اسرائیل جنگ کے دوران بھی ممکنہ ڈیل کے معاملات طے کرنے میں مصروف تھے۔

 ٹرمپ انتظامیہ ایران کو سویلین نیوکلیئر پلانٹ کے لیے 30 بلین ڈالر کی ڈیل آفر کرسکتی ہے، سرمایہ کاری کی یہ پیشکش غیر ملکی امریکی حمایت یافتہ ممالک کے ذریعے کرنے کا فیصلہ کیا گیا ہے،اس کے علاوہ ایران کو غیرملکی بینک اکاؤنٹس سے ان کے 4 ارب ڈالر استعمال کرنے کی اجازت بھی دی جا سکتی ہے. تاہم ایران کو یورینیم افزودگی کی اجازت نہیں ہوگی۔

تاہم دوسری جانب ایرانی وزیر خارجہ عباس عراقچی نے امریکا سے مذاکرات کی تردید کردی۔

ایرانی وزیر خارجہ نے دو ٹوک الفاظ میں کہا ہے کہ ہم نے امریکا سے کوئی معاہدہ نہیں کیا نہ ہی دوبارہ کوئی بات چیت ہوئی ہے، اس وقت عوام کے مفاد پر غور کررہے ہیں جوہ ایک الگ بات ہے۔

 ایران کے سرکاری ٹی وی کو انٹرویو میںعباس عراقچی نے مزید کہا کہ صیہونی حکومت یہ جان لے کہ ایران لبنان نہیں ہے، اگر اسرائیل نے جنگ بندی کی خلاف ورزی کی تو بھرپور جواب دیں گے اور امید ہے کہ یہ بات اب ان پر بھی واضح ہوچکی ہے۔