Advertisement

15 سال تک کے بچوں کو پولیو ویکسین دینے کا فیصلہ

وفاقی وزیر نے یہ بھی کہا کہ پاکستان سے پولیو کے مکمل خاتمے کے لیے نئی قومی ڈیڈ لائن دسمبر 2026 مقرر کی گئی ہے

GNN Web Desk
شائع شدہ 22 days ago پر Jul 1st 2025, 6:51 pm
ویب ڈیسک کے ذریعے
15 سال تک کے بچوں کو پولیو ویکسین دینے کا فیصلہ

 وفاقی حکومت نے ملک سے پولیو کے خاتمے کے لیے ایک بڑا قدم اٹھاتے ہوئے 15 سال تک کے بچوں کو پولیو ویکسین دینے کا فیصلہ کر لیا ہے۔ اس بات کا اعلان وفاقی وزیر صحت سید مصطفیٰ کمال نے ایک نجی ٹی وی پروگرام میں سینئر صحافی آصف بشیر چوہدری سے گفتگو کے دوران کیا۔

انہوں نے بتایا کہ پانچ سال سے زائد عمر کے بچوں میں پولیو کیسز سامنے آنے کے بعد فیصلہ کیا گیا ہے کہ انسداد پولیو مہم میں اب 15 سال تک کے بچے شامل کیے جائیں گے۔
ابتدائی طور پر یہ مہم کراچی، لاہور، پشاور اور جنوبی خیبرپختونخوا کے مخصوص علاقوں میں شروع کی جائے گی۔

وفاقی وزیر نے یہ بھی کہا کہ پاکستان سے پولیو کے مکمل خاتمے کے لیے نئی قومی ڈیڈ لائن دسمبر 2026 مقرر کی گئی ہے۔

 جعلی ادویات کی روک تھام کے لیے بار کوڈ سسٹم:
مصطفیٰ کمال نے دواؤں کی شفاف فراہمی کے لیے بڑا قدم اٹھانے کا عندیہ دیتے ہوئے کہا کہ آئندہ تین ماہ کے اندر فروخت ہونے والی ہر دوا پر بار کوڈ موجود ہوگا۔

انہوں نے وضاحت کی کہ شہری اپنے موبائل فون سے دوا اسکین کر کے اس کی اصلیت، ایکسپائری تاریخ اور دیگر تفصیلات با آسانی جانچ سکیں گے۔
ان کے مطابق حکومت کی تیاری مکمل ہے، تاہم فارما انڈسٹری نے یہ نظام مکمل طور پر نافذ کرنے کے لیے تین ماہ کی مہلت مانگی ہے۔

 صحت کے دیگر شعبوں میں اصلاحات:
وفاقی وزیر صحت نے بتایا کہ حکومت نئی قومی ہیلتھ پالیسی لا رہی ہے جس میں بنیادی اصلاحات شامل ہوں گی۔
"وزیراعظم جلد اس پالیسی کی منظوری دیں گے،" انہوں نے کہا۔

ساتھ ہی انہوں نے بتایا کہ ڈریپ (Drug Regulatory Authority) کو مکمل ڈیجیٹل بنایا جا رہا ہے اور وزیراعظم ایک ہفتے بعد اس منصوبے کا باضابطہ افتتاح کریں گے۔

انہوں نے مزید کہا کہ حکومت نے مشروبات پر 50 فیصد ٹیکس لگانے کی تجویز دی تھی تاکہ عوامی صحت بہتر بنائی جا سکے، تاہم یہ تجویز منظور نہیں ہو سکی۔

نرسنگ سیکٹر میں بڑی تبدیلیاں:
وزیر صحت کے مطابق، نرسنگ کونسل کے قوانین میں مکمل تبدیلی کی جا رہی ہے۔
ان کا کہنا تھا کہ پاکستان میں 9 لاکھ نرسوں اور دنیا بھر میں 25 لاکھ نرسوں کی کمی ہے، جسے پورا کرنے کے لیے انقلابی اقدامات کیے جا رہے ہیں۔

 تشویشناک انکشاف:
آخر میں انہوں نے کہا کہ ملک میں ہر ایک منٹ میں ایک شہری ہارٹ اٹیک کی وجہ سے جان کی بازی ہار رہا ہے، جو کہ ایک سنگین صورتحال ہے اور فوری اقدامات کی متقاضی ہے۔

Advertisement
پاکستان شاہینز کا دورہ انگلیڈ کا فاتحانہ آغاز، کاؤنٹی الیون کو پانچ وکٹوں سے شکست

پاکستان شاہینز کا دورہ انگلیڈ کا فاتحانہ آغاز، کاؤنٹی الیون کو پانچ وکٹوں سے شکست

  • 5 hours ago
امریکا اور پاکستان کا مسئلہ کشمیر پر ساتھ بیٹھنے کا فیصلہ،  جمعہ کو پاکستانی رہنما سے  اہم  ملاقات

امریکا اور پاکستان کا مسئلہ کشمیر پر ساتھ بیٹھنے کا فیصلہ، جمعہ کو پاکستانی رہنما سے اہم ملاقات

  • 4 hours ago
چکن گونیا وائرس کی ایک بڑی عالمی وباء پھوٹنے کا خطرہ ، عالمی ادارہ صحت نےخبردار کر دیا

چکن گونیا وائرس کی ایک بڑی عالمی وباء پھوٹنے کا خطرہ ، عالمی ادارہ صحت نےخبردار کر دیا

  • 2 hours ago
ملک بھر میں موسلا دھار بارشوں نے تباہی مچا دی، ہلاکتیں 234 تک جا پہنچیں

ملک بھر میں موسلا دھار بارشوں نے تباہی مچا دی، ہلاکتیں 234 تک جا پہنچیں

  • 3 hours ago
9 مئی کیسز میں مفروز  حماد اظہر  والد کی نماز جنازہ میں شرکت کے لیے اپنی رہائش گاہ پہنچ گئے

9 مئی کیسز میں مفروز حماد اظہر والد کی نماز جنازہ میں شرکت کے لیے اپنی رہائش گاہ پہنچ گئے

  • an hour ago
امریکا کے صدارتی انتخابات میں روسی مداخلت، ٹرمپ کی  اوباما پر شدید تنقید

امریکا کے صدارتی انتخابات میں روسی مداخلت، ٹرمپ کی اوباما پر شدید تنقید

  • 3 hours ago
کراچی:نجی اسپتال میں خاتون کے ہاں بیک وقت 5  بچوں کی پیدائش

کراچی:نجی اسپتال میں خاتون کے ہاں بیک وقت 5  بچوں کی پیدائش

  • 2 hours ago
دنیا بھر کے طاقتور ترین پاسپورٹس کی فہرست جاری، کون سا ملک پہلے نمبر پر ہے؟

دنیا بھر کے طاقتور ترین پاسپورٹس کی فہرست جاری، کون سا ملک پہلے نمبر پر ہے؟

  • 41 minutes ago
حکومتِ پاکستان نے گزشتہ مالی سال کے دوران 26 ارب  ڈالر سے زائد غیر ملکی قرضہ لیا

حکومتِ پاکستان نے گزشتہ مالی سال کے دوران 26 ارب ڈالر سے زائد غیر ملکی قرضہ لیا

  • 4 hours ago
ضلع اورکزئی میں ڈیوٹی سے انکار پر42 پولیس اہلکاروں   معطل

ضلع اورکزئی میں ڈیوٹی سے انکار پر42 پولیس اہلکاروں  معطل

  • 5 hours ago
فلسطین کو ریاست تسلیم کرنے پر امریکا نے یونیسکو سے علیحدگی کا اعلان کردیا

فلسطین کو ریاست تسلیم کرنے پر امریکا نے یونیسکو سے علیحدگی کا اعلان کردیا

  • 5 hours ago
برطانوی گلوکار اوزی اوسبورن 76 برس کی عمر میں انتقال کر گئے

برطانوی گلوکار اوزی اوسبورن 76 برس کی عمر میں انتقال کر گئے

  • 5 hours ago
Advertisement