برطانیہ میں احتجاجی گروپ ’فلسطین ایکشن‘ پر پابندی عائد ،حمایت کرنے پر 14 سال قید کی سزا مقرر

برطانیہ میں فلسطین کے حامی احتجاجی گروپ ’فلسطین ایکشن‘ پر پابندی عائد کر دی گئی ہے۔ حکومت نے اسے دہشت گرد تنظیم قرار دیتے ہوئے اس کی سرگرمیوں کو ملکی سلامتی کے لیے خطرہ قرار دیا ہے۔ اس فیصلے کے بعد تنظیم سے وابستگی یا حمایت کو سنگین جرم تصور کیا جائے گا۔

اس فیصلے کے تحت اس گروپ کی رکنیت، حمایت، یا اس کی نمائندگی کرنے والی کوئی علامت جیسے بیج یا ٹی شرٹ پہننے کو جرم قرار دیا گیا ہے، جس کی سزا 14 سال تک قید یا جرمانہ ہوسکتی ہے۔ یہ پابندی 5 جولائی 2025 کی رات سے نافذالعمل ہوگئی۔

فلسطین ایکشن کی جانب سے اس فیصلے کو عدالت میں چیلنج کیا گیا تاہم ہائی کورٹ اور پھر کورٹ آف اپیل نے بھی ان کی درخواست مسترد کر دی۔ جسٹس چیمبرلین نے اپنے فیصلے میں کہا کہ حکومت کا اقدام جائز اور عوامی مفاد میں ہے۔