کراچی : لیاری میں ایک اور 6 منزلہ عمارت کی چھت گرنے سے 2 خواتین جاں بحق اور 5افراد زخمی

کراچی کے علاقے لیاری میں 6 منزلہ عمارت کی چھت گرگئی جس کے نتیجے میں 2 خواتین جاں بحق اور 4 زخمی ہوگئیں۔

واقعہ لیاری میں کھڈا مارکیٹ کے قریب پیش آیا، واقعے کی اطلاع ملتے ہی ریسکیو ٹیمیں جائے وقوعہ پر پہنچ گئیں اور لاشوں اور زخمیوں کو ہسپتال منتقل کردیا۔

ایس ایس پی سٹی عارف عزیز کے مطابق حادثہ عمارت کی پانچویں یا چھٹی منزل پر پیش آیا، جہاں اچانک چھت زمین بوس ہو گئی۔ چھت گرنے کی اطلاع ملتے ہی پولیس اور ریسکیو ٹیمیں فوری طور پر جائے وقوعہ پر پہنچ گئیں اور زخمیوں کو سول اسپتال منتقل کیا گیا۔

اسپتال ذرائع کے مطابق جاں بحق خاتون کی لاش سول اسپتال منتقل کی گئی ہے جبکہ زخمی افراد کو طبی امداد فراہم کی جا رہی ہے۔

علاقے کے مکینوں نے متعلقہ حکام سے مطالبہ کیا ہے کہ شہر میں خطرناک عمارتوں کا سروے کیا جائے تاکہ مستقبل میں ایسے افسوسناک حادثات سے بچا جا سکے۔