مہلک کانگو وائرس نے خطرے کی گھنٹی بجادی،ایک اور شخص متاثر

کراچی: شہر قائد کے علاقے بھینس کالونی کےرہائشی 33 سالہ شخص میں کانگو وائرس کی تصدیق ہوگئی جوجناح ہسپتال میں زیر علاج  ہے۔

صوبائی محکمہ صحت کے مطابق رواں سال کے دوران اس وائرس کے شکار 2افراد دم توڑ چکے ہیں جبکہ 4افراد میں کانگو وائرس کی تصدیق ہوئی ہے۔

انٹظامیہ کے مطابق بھینس کالونی کا رہائشی 33 سالہ شخص جناح ہسپتال میں زیر علاج ہے،اسے تیز بخار اورخون بہنے کی علامات کے ساتھ لایا گیا تھا، ٹیسٹ کر انے پر کانگو مثبت آیا۔

ہسپتال ذرائع نے مزید بتایا کہ نوجوان کا تعلق بھنس کالونی سے ہے اور پیشے کے اعتبار سے حجام ہے۔ 

دوسری جانب ترجمان محکمہ صحت کا کہنا ہے کہ رواں سال کے دوران 2 افراد کانگو وائرس سے جاں بحق ہوچکے ہیں۔