یہ اعلان اس وقت سامنے آیا ہے جب اسرائیل اور بعض عرب ممالک حماس پر دباؤ ڈال رہے ہیں کہ وہ غزہ کا کنٹرول چھوڑ دے اور غیر مسلح ہو جائے


غزہ: فلسطینی مزاحمتی تنظیم حماس نے دو ٹوک اعلان کرتے ہوئے کہا ہے کہ آزاد اورخودمختار فلسطینی ریاست جس کا دارالحکومت یروشلم ہوکے قیام کے بغیر ہتھیار نہیں ڈالیں گے۔
غیر ملکی میڈیا کے مطابق فلسطینی مزاحمتی تنظیم حماس نے امریکی نمائندے اسٹیو وٹکوف کے گلوبل ہیومنٹیرین فاؤنڈیشن (جی ایچ ایف) کے امدادی مرکز کے دورے کو ڈرامہ قرار دیتے ہوئے ان کے بیان پر ردعمل دیا ہے۔
اسرائیل کے دورے پر موجود امریکی نمائندے اسٹیو وٹکوف کے بیان پر حماس نے کہا کہ آزاد فلسطینی ریاست کے قیام تک ہتھیار نہیں ڈالیں گے، دارالحکومت بیت المقدس کے ساتھ خود مختار فلسطینی ریاست کے قیام تک مزاحمت جاری رہے گی۔
عرب میڈیا کے مطابق اسٹیو وٹکوف نے کہا تھا کہ مذاکرات میں حماس نے جنگ بندی کے بدلے غیر مسلح ہونے پر رضا مندی ظاہر کی تھی۔
حماس نے واضح کیا ہے کہ وہ فلسطینی ریاست کے قیام تک اپنے ہتھیار نہیں ڈالے گی۔ گروپ کا کہنا ہے کہ فلسطینیوں کو ان کے بنیادی انسانی اور قومی حقوق دیے بغیر اسرائیلی مظالم اور محاصرے کے خلاف مزاحمت جاری رہے گی۔
حماس کا موقف ہے کہ فلسطینیوں کا مزاحمتی حق برقرار رہے گا اور وہ اپنی مسلح جدوجہد جاری رکھے گا جب تک کہ فلسطینی ریاست مکمل طور پر آزاد اور خودمختار نہ بن جائے۔
یہ اعلان اس وقت سامنے آیا ہے جب اسرائیل اور بعض عرب ممالک حماس پر دباؤ ڈال رہے ہیں کہ وہ غزہ کا کنٹرول چھوڑ دے اور غیر مسلح ہو جائے۔ اسرائیل نے اپنی شرائط میں حماس کی غیر مسلح حالت کو مذاکرات کا لازمی جزو قرار دیا ہے۔
دوسری جانب کئی مغربی ممالک بشمول فرانس اور کینیڈا نے فلسطینی ریاست کو تسلیم کرنے کا اعلان کیا ہے، جبکہ برطانیہ نے بھی کہا ہے کہ اگر اسرائیل ستمبر تک ضروری شرائط پوری نہیں کرتا تو وہ بھی فلسطینی ریاست کو تسلیم کر لے گا۔

ایرانی صدر کا سیلاب متاثرین سے اظہارِ یکجہتی، پاکستان کو ہر ممکن مدد کی پیشکش
- 7 hours ago

ایرانی صدر کا وزیراعظم سے ٹیلیفونک رابطہ، سیلابی صورتحال میں مدد کی پیشکش
- 10 hours ago

حکومت کا سیلاب متاثرین کو بجلی بلوں میں ریلیف دینے کا فیصلہ
- 7 hours ago

دریائے سندھ میں انتہائی اونچے درجے کے سیلاب کا خطرہ، این ڈی ایم اے کا ہنگامی الرٹ جاری
- 7 hours ago

ملک میں ہفتہ وار مہنگائی کی شرح 3.57 فیصد تک جا پہنچی، ٹماٹر، آٹا اور چکن مزید مہنگے
- 7 hours ago

راولپنڈی: گاڑی میں دم گھٹنے کے باعث دو بچے جاں بحق ہوگئے
- 11 hours ago

امریکی ٹیرف کے بعد بھارتی روپیہ ڈالر کے مقابلے میں تاریخی کم ترین سطح پر پہنچ گیا
- 8 hours ago

تحریک انصاف کے مزید ارکان کا کمیٹیوں سے استعفیٰ، پارٹی نے پارلیمانی عمل سے مکمل لاتعلقی اختیار کرلی
- 7 hours ago

ایشیا ڈیولپمنٹ بینک کی پاکستان کے سیلاب متاثرین کے لیے 3 ملین ڈالر کی ہنگامی امداد
- 9 hours ago

اسحاق ڈار اور آرمینیائی وزیر خارجہ کے مابین ٹیلیفونک رابطہ، سفارتی تعلقات کے قیام پرغور
- 11 hours ago

وزیر آباد میں فلڈ ریلیف کیمپ عارضی نکلا، مریم نواز کے دورے کے بعد متاثرین واپس، کیمپ بند
- 7 hours ago

تین ملکی ٹی ٹوئنٹی سیریز کا آغاز: پاکستان کا افغانستان کے خلاف بیٹنگ کا فیصلہ
- 10 hours ago