آپریشن سندور کے دوران پاکستان کی دفاعی برتری اور بھارتی شکست کی وجوہات منظر عام پر آگئیں

ویب ڈیسک: نام نہاد آپریشن سندور میں مودی کی تاریخی شکست کے حقائق منظر عام پرآگئے جب کہ مودی کے اربوں کے دفاعی بجٹ کے باوجود رافیل کی تباہی نے بھارتی دفاعی دعوؤں کا بھانڈا پھوڑ دیا۔

برطانوی جریدہ رائٹرز آپریشن سندور میں پاکستان کی دفاعی برتری اور بھارتی شکست کی وجوہات منظر عام پر لے آیا، رائٹرز کے مطابق پاکستان نے بھارت کا جدید ترین رافیل طیارہ چینی ٹیکنالوجی سے مار گرایا۔

رائٹرز کے مطابق آپریشن سیندور کے دوران پاک فضائیہ نے ایئرچیف مارشل ظہیر احمد سدھو کے خصوصی احکامات پرعمل کرتے ہوئے بھارتی رافیل کو نشانہ بنایا، گھنٹہ بھر جاری فضائی لڑائی میں کسی جنگ میں تباہ نہ ہونے والا رافیل مارگرانا تاریخی واقعہ ہے، رافیل کی تباہی کی بنیادی وجہ بھارتی انٹیلی جنس کی ناکامی تھی۔

رائٹر ز کی رپورٹ کے مطابق بھارتی انٹیلی جنس نے میزائل کی رینج غلط اندازہ لگایا، جس سے رافیل پائلٹس کوغلط فہمی ہوئی، پاکستانی جے 10 سی طیاروں نے چینی پی ایل 15 میزائل سے 200 کلومیٹر سے حملہ کیا۔

رائٹرز کی رپورٹ میں مزید بتایا گیا ہے کہ آپریشن سیندور کے دوران پاکستان نے الیکٹرانک وار فیئر کے ذریعے بھارتی ریڈار اور مواصلاتی نظام جیم کیے۔

رائٹرز نے کہا کہ پاکستان نے چینی سسٹم، سویڈش ریڈار اور پاکستانی ڈیٹا لنک کی مدد سے میدان جنگ میں سبقت حاصل کی، بھارتی فضائی بیڑہ مختلف ممالک کے طیاروں پر مشتمل، بھارت کے پاس موثر نیٹ ورک موجود نہیں تھا۔

رائٹرز کے مطابق ابتدائی نقصانات کے بعد، بھارت نے حکمت عملی بدلی، براہموس میزائلوں سے پاکستانی تنصیبات پر حملے کیے، چین کے ایئر چیف نے پاکستان کا دورہ کر کے چینی ٹیکنالوجی کی کامیابی کا جائزہ لیا۔

پاک بھارت جنگ بندی امریکی سفارتی مداخلت کے بعد ممکن ہوئی، فرانس کے ایئر چیف کی تصدیق کے باوجود، مودی سرکار نے رافیل کے تباہ ہونے کو تسلیم نہ کیا۔

پہلی بار کسی جنگ میں رافیل کا گرنا مودی سرکار کے لیے رسوائی کا سبب بن گیا، مودی کی ناقص حکمت عملی نے بھارتی افواج کو میدان جنگ میں ذلیل و رسوا کر دیا۔